Come far meio la nostra predicassion — Come predicar par telèfono

PARCHÉ CHE L’È IMPORTANTE: La predicassion par telèfono la ne giuta a “dar un testimònio completo dele bone notìssie”. (Ati 20:24)a Quando predichemo par telèfono, semo boni de predicar a una persona che no podemo mia visitar nela so casa.

COME FAR:

• 

  Paréciate. Scoli ben quel che te vol parlar. Pensa in quel che te volarissi dir e scrivi le idee prinsipai. Se la persona no la te risponde al telèfono, te pol assar un messàgio curto. Par quela, parécia vanti quel che te volarissi dir par spiegar parché te ghè telefonà. Pol esser meio postarse a una tola e gaver le to anotassion e altre robe che te ghè de bisogno, come el aplicativo JW Library^® o el site jw.org^® pareciadi nel to tablet o selular.

• 

  Resta tranquilo. Parla de una maniera natural. Soridi e fà moti come se la persona la fusse davanti de ti. No stà far pause che no ocore mia far. Predicar con altri el te giutarà a restar tranquilo. Se el paron de casa el te fà una domanda, parla la domanda nantra volta a voce alta, cossita el fradel che l’è con ti el pol giutarte a catar la risposta.

• 

  Assa un assunto par la pròssima vìsita. Se la persona la mostra interesse, te pol far una domanda par risponder la pròssima volta che te ghe telèfoni. Anca, te pol parlar de una publicassion e dir che te vè mandarghela par e-mail o par meso del correio o che te ghe la porti. O te pol domandar se la persona la vol che te mandi un artìcolo o un vìdeo par messàgio o par e-mail. Pol esser che te ghè la oportunità de parlar sora el site.