LESSION 23
Parché che batesarte la ze la meio dessision?
Gesù el ga dito che quei che i volesse ndarghe drio i gavaria de batesarse. (Ledi Mateo 28:19, 20) Ma, cossa che l’è el batésimo? Cossa che la persona la ga de far vanti de batesarse?
1. Come che ga de esser fato el batésimo?
La parola “batesar”, nel greco, vol dir meter tuto el corpo soto la àqua. Gesù el se ga batesà cossita parché la Bìblia la dise che, dopo de batesarse, lu l’è vegnesto fora dela àqua nel rio Giordon. (Marco 1:9, 10) E quei che i va pròpio drio a Cristo i fà compagno a lu. Quando lori i se batesa, el so corpo l’è metesto tuto soto la àqua.
2. Cossa che la persona la mostra quando la se batesa?
La persona che la se batesa la mostra che la ga belche dedicà la so vita a Geovà, o sia, che la ga prometesto a Geovà che la ndarà servirlo par sempre. Ma come che una persona la fà questa promessa? Ela la prega a Geovà e la ghe dise che la vol servir e adorar sol a lu par sempre e che obedirlo sarà la roba pi importante dela so vita. Ela anca la promete obedir sempre ai comandamenti de Gesù e far compagno al so esémpio, anca quando l’è fadiga. (Mateo 16:24) Dopo che la persona la fà la so dedicassion e la se batesa, la pol gaver una forte amicìssia con Geovà e con quei che i lo adora.
3. Cossa che la persona la ga de far vanti de batesarse?
Te ghè de imparar sora Geovà e gaver una forte fede in lu. (Ledi Ebrei 11:6.) Se te seiti a farlo, te ndarè amar cada volta de pi a Geovà. Alora, te ndarè anca parlar ai altri sora lu e obedir a quel che el dise. (2 Timòteo 4:2; 1 Gioani 5:3) E quando la persona la ze drio far quel che ghe piase a Geovà, la ndarà gaver anca la voia de dedicar la so vita a lu e de batesarse. — Colossensi 1:9, 10.a
IMPARA DE PI!
Cossa che podemo imparar col batésimo de Gesù? Cossa che una persona la ga de far vanti de batesarse?
4. Podemo imparar tanto col batésimo de Gesù
Ledé Mateo 3:13-17 par imparar de pi sora el batésimo de Gesù. Dopo, parlé sora questo:
Sarà che Gesù l’era un bambin quando l’è stà batesà?
Come lu l’è stà batesà? Sarà che i ga trato sol un poco de àqua sora la so testa?
Dopo che Gesù el se ga batesà, el ga scominsià a far un laoro tanto importante che Dio el ghe gavea domandà. Ledé Luca 3:21-23 e Gioani 6:38, e dopo, parlé sora questo:
Dopo che Gesù el se ga batesà, che laoro l’era el pi importante par lu?
5. Anca ti te pol batesarte
Fursi te pensi che l’è massa fadiga viver come una Testimònia de Geovà. Alora, cossa che pol giutarte a dessider? Sfòrsate par seitar a imparar sora Geovà e par meter in pràtica quel che lu el dise. Varda el esémpio de arquante persone che lo ga fato. Vardé el VÌDEO.
Ledé Gioani 17:3 e Tiago 1:5, e dopo, parlé sora questo:
Cossa che pol giutar una persona a batesarse?
Noantri se dedichemo, o sia, demo la nostra vita a Geovà quando ghe disemo che volemo servirlo par sempre
Quando se batesemo, mostremo ale persone che ghemo prometesto servir a Geovà par sempre
6. Quando se batesemo, deventemo parte dela fameia de Geovà
Quando se batesemo, deventemo parte de una fameia tanto bela. In questa fameia, ghen’è persone de tuto el mondo. Anca se semo de paesi e culture difarenti, credemo nele medèsime robe e obedimo ai comandamenti de Dio. Ledé Salmo 25:14 e 1 Piero 2:17, e dopo, parlé sora questo:
Quando una persona la se batesa, come deventa la so amicìssia con Geovà e coi altri servi de Dio?
FURSI TE GHÈ BELCHE SCOLTÀ: “Mi no son drio far tuto quel che ghe ocore par batesarme.”
Ti te pensi cossita? Ma te vol batesarte?
COSSA CHE TE GHÈ IMPARÀ?
Gesù el ga insegnà che quei che i vol ndar drio a lu i ga de batesarse. Cossa che una persona che la vol batesarse la ga de far? Gaver una forte fede in Geovà, obedir a quel che lu el dise e dedicar la so vita a lu.
Sito bon de ricordarte?
Cossa che l’è el batésimo, e parché che te ghè de batesarte?
Cossa che una persona la mostra quando la se batesa?
Cossa che una persona la ga de far vanti de dedicarse e batesarse?
VUTO SAVER DE PI?
Cossa vol dir batesarse?
Cossa che una persona la ga de far par batesarse?
“El amor e la gratitùdine i mena al batésimo” (La Sentinela, marso de 2020)
Varda cossa che un omo el ga fato prima de batesarse.
Parché che batesarte l’è la meio roba che te pol far? Cossa che te ghè de far par batesarte?
“Gonti de batesarme?” (I gióveni i domanda — Risposte pràtiche, Volume 2, capìtolo 37)
a Anca che una persona la sìpia belche batesada in nantra religion, la gavarà de batesarse come Testimònia de Geovà. Parché? Parché quela religion no la insegna quel che ghen’è nela Bìblia. (Varda Ati 19:1-5 e la lession 13.)