LESSION 44
Sarà che Dio ghe piase de tuti feriadi e feste?
Geovà el vol che semo felici e che se divertimo. Ma sarà che lu ghe piase de tuti i feriadi e feste? Come che podemo mostrar che lo amemo nele dessision che femo sora feriadi e feste?
1. Parché che Geovà no ghe piase de tanti feriadi?
Te savei che tanti feriadi i vien dele religion false e che la Bìblia la mostra che arquanti de lori i ze sbaliadi? In arquanti feriadi, le persone le fà robe che le vien dele religion false e dei demoni, e le insegna che la ànima no la more mai e tante altre busie. Arquanti feriadi anca i insegna che le persone sol le ndarà ben nela vita se le fà questi feriadi. (Isaia 65:11) Geovà el dise ai so servi che lori no i ga mai de far robe che le ze sbaliade. — 2 Corinti 6:17.a
2. Cossa che Geovà el pensa dei feriadi che i ghe dà onor ale persone?
Geovà el ne dise de no cascar nela tràpola de fidarse nei òmini. (Ledi Geremia 17:5.) Arquanti feriadi i ghe dà onor ale persone, come soldadi e governanti. E ghen’è altri feriadi che i ghe dà onor al paese o ala so bandiera. (1 Gioani 5:21) Arquanti feriadi i ze fati par ricordar le persone de idee polìtiche o de robe che qualchedun l’è stà bon de far nel passà. Come che te pensi che Geovà el se sentiria se féssino un feriado che el dà onor ale persone o a altre robe che la Bìblia la dise che le ze sbaliade?
3. Parché che fursi Geovà no ghe piase de una festa o feriado?
La Bìblia la dise che no ghemo mia de far la ciuca, gnanca far feste che le persone le fae robe sbaliade o tuto quel che le vol. (1 Piero 4:3) In arquanti feriadi, le persone le fà tuto quel che le vol e tante robe sbaliade. Ma se volemo esser amighi de Geovà, no ghemo mia de far robe cossita.
IMPARA DE PI!
Cossa che pol giutarte a far bone dessision sora i feriadi e feste?
4. No stà far feriadi che Geovà no ghe piase
Ledé Efesi 5:10, e dopo, parlé sora questo:
Cossa che ghemo de pensar vanti de far un feriado?
Che feriadi le persone le fà nel posto ndove te sì de star?
Te pensi che Geovà ghe piase de questi feriadi?
Te ghè belche pensà come che Geovà el se sente sora le feste de aniversàrio? La Bìblia no la parla de gnanca un servo de Geovà che el ga fato festa de aniversàrio. I due aniversari che ghen’è nela Bìblia i ze de persone che no le servia a Geovà. Ledé Génesi 40:20-22 e Mateo 14:6-10. Dopo, parlé sora questo:
Cossa che ga sucedesto in tuti i due aniversari?
De acordo con questi testi, come che te pensi che Geovà el se sente sora i aniversari?
Ma pol esser che te te domandi: ‘Sarà che vao pròpio disgustar a Geovà se fao una festa de aniversàrio o nantro feriado che la Bìblia la dise che l’è sbalià?’ Ledé Ésodo 32:1-8. Alora vardé el VÌDEO, e dopo, parlé sora questo.
Parché che ghemo de esser sicuri che Geovà ghe piaserà de quel che femo?
Come che podemo esser sicuri de quel che Geovà el ghe piase?
Come che podemo saver se una festa o un feriado ghe piaserà pròpio a Geovà?
Sarà che la Bìblia la mostra che questa festa o feriado l’è sbalià? Proa saver come che ga scominsià questa festa o feriado.
Sarà che questa festa o feriado ghe dà tanto onor a una persona, una organisassion o a un paese? Noantri ghe demo onor sol a Geovà e se fidemo che sol lu el ndarà finir con tuti i problemi che ghen’è nel mondo.
Sarà che quel che le persone le fà in questo feriado o festa l’è de acordo cola Bìblia? Noantri volemo far sempre quel che l’è giusto e che ghe piase a Geovà.
5. Giuta i altri a rispetar quel che te credi
Quando qualchedun el vol che te fae un feriado o una festa che no ghe piase a Dio, pol esser fadiga dir nò. Spiega quel che te credi con passiensa e rispeto. Come che te pol farlo? Vardé el VÌDEO.
Ledé Mateo 7:12, e dopo, parlé sora questo:
De acordo con questo testo, te podarissi dir a una persona dela to fameia che no la pol far un feriado o una festa?
Anca se no te ndarè far un feriado o una festa insieme cola to fameia, te ghè de mostrarghe che te li ami. Come che te pol farlo?
6. Geovà el vol che semo felici
Geovà el vol che se divertimo insieme dela nostra fameia e amighi. Ledé Eclesiasti 8:15, e dopo, parlé sora questo:
Come che questo testo el mostra che Geovà el vol che semo felici?
Geovà el vol che se divertimo e restemo contenti tuti insieme. Vardé el VÌDEO par veder che Geovà el vol pròpio questo.
Ledé Gàlati 6:10, e dopo, parlé sora questo:
Sarà che ne ocore partissipar de un feriado par far robe bone ai altri?
Te pensi che saria meio darghe un presente a qualchedun parché te toca farlo o parché te ghè caro?
Tante Testimònie de Geovà ghe piase far feste e darghe presenti ai so fioi, anca che no sìpia un giorno importante. Se te ghè fioi, cossa che te podarissi farghe de bel?
FURSI TE GHÈ BELCHE SCOLTÀ: “No l’è mia importante saver parché che le persone le ga scomìnsià a far un feriado. La roba pi importante la ze far festa e goderse insieme.”
Cossa che te podarissi dir?
COSSA CHE TE GHÈ IMPARÀ?
Geovà el vol che se divertimo cola nostra fameia e amighi. Ma lu anca el speta che no femo feriadi e feste che no ghe piase a lu.
Sito bon de ricordarte?
Che domande podemo farse par saver se un feriado o festa no ghe piase a Geovà?
Come che podemo giutar la nostra fameia e amighi a capir parché che no femo un feriado o festa?
Come che savemo che Geovà el vol che semo felici?
VUTO SAVER DE PI?
Varda arquanti feriadi che quei che i va drio a Cristo no i fà.
“Parché che ghen’è feriadi che le Testimònie de Geovà no le selebra mia?” (Varda nel jw.org)
Varda parché che credemo che Geovà no ghe piase se femo festa de aniversàrio.
“Parché le Testimònie de Geovà no le selebra mia aniversàrio de nassimento?” (Varda nel jw.org)
Varda come che i gióveni che i ama a Geovà i pol assarlo contento quando ghene’è feriadi.
Milioni de persone le ga dessidio no far festa de Natal. Varda come che i se ga sentio dopo de far questa scólia.
“Lori i ga catà una cosa meio” (La Sentinela, 1 de disembre de 2012)
a Varda Par imparar de pi 5 par imparar quel che te pol far quando le persone le fà un feriado.