EMPARI 1

Ninrowa omwiiwelela hayi Muluku?

Muluku onnuuluma ni hiyo anvarelaka muteko Biblya. 2 Timotheyo 3:16

Areene vehitxeni vawe, Muluku onaaveerela alopwana weera emulepe Biblya

Muluku a ekhaikhai ahaaruma alopwana weera elepe ebuukhu siri-mo miruku sawe. Ebuukhu eyo Biblya. Mbibliyani sookhalamo miruku sooreera seiyo Muluku antthunawe weera musuwele.

Muluku oosuwela etthu yoorera wa atthu oothene. Miruku soothene sinkhuma wa yoowo. Mwamwiiwelela vale, munookhala a miruku. — Miruku 1:5.

Biblya areene ni muulumo oohiyana-hiyana; Mulopwana mmoha amusomaka Biblya

Muluku antthuna weera atthu oothene emusomeke Biblya. Owo pooti osommwa ni mulumo mantxipale.

Mwatthuna omwiiwa Muluku, ontthuneya omusoma Biblya ni omwiiwexexa.

Atthu a elapo yoothene ennamwiiwelela Muluku. Matheyo 28:19

Namoona a Yehova mmoha asomaka yoolepa emoha wa mulopwana mmoha, voottharana owo onnamusoma Biblya niyoowo

Anamoona a Yehova animookhaviherani omwiiwexexa Biblya.

Elapo yoothene, awo annaxuttiha ekhaikhai ya Muluku.

Nyuwo khamunliva etthu mwaha woxuttihiwa Biblya. Nyuwo-tho pooti oxuttera itthu sintxipale empa ya Omwene ya Anamoona a Yehova eri vakhiviru.