9. Emalihero ya elapo ya vathi eri vakhiviru?

1 YEHOVA ONNILEELA ITTHU SINROWA WEEREYA MUHOOLO

“Okhuma wopatxerani ti miyo kilaleñye sa muholo, anyi okhuma ehuhu ya khalai itthu sihàkunve wereya.” — Yesaya 46:10

Nisuwenle heeni voohima ya emalihero?

• Daniyeli 7:13, 14

  Yesu avarinwe omwene ovinyera eyaakha 1914.

• Matheyo 24:3-14

  Yesu aahima itthu soovalaveliha seera siwereeleke atthu amulaponi.

• Apokalise 12:7-9, 12

  Evinreene ehuhu vakhaanini Yesu avarinwene omwene, owo aamomoola Satana wirimu amoomolelaka elapo ya vathi. Mwaha woosuwela weera orino “ehuhu vakhanini’’ weera Muluku anoomwiva Satana ori onyoonyiweene.

2 NINKHALA EHUHU YOOMALIHERA

“Enenero heeni . . . orwa wá ni ya emalihero ya olu mwenku?” — Matheyo 24:3

Nyuwo mohoona sikwanihereyaka soolempwa sa mBiblyani?

• Matheyo 24:7; Luka 21:11

  Ninnoona ni maitho ahu iretta sohiyana-hiyana, ottikinyeya wa etthaya, ikhotto ni etala elapo yootheene.

• 2 Timotheyo 3:1-5

  Murummwa Paulo aahima mikhalelo saatthu a mahiku oomalihera.

• Daniyeli 12:4

  Mene mahiku ahu ala oomalihera Muluku onnaakhavihera atthu awe weera emwiiwexexe Biblya.

• Matheyo 24:14

  Mitthenka sooreera sa omwene sinnalaleiwa elapo yootheene.

3 MPAKE YOOPAKA VAANANO WA YEHOVA

“Nihiku na Apwiya, ntoko namwiya ohiyu siso nnahala orwa.” — 1 Atesalonika 5:2

Vaavo nisuwenlaahu weera okhwipi wa elapo ela ori vakhiviru, nipakeke eheeni?

• Yohani 17:3

  Mukhaleleke nthiti omusoma Biblya.

• Aheberi 10:24, 25

  Mwaaphiyakaru mmithukumanoni sa Anamoona a Yehova, munoosuwela itthu sintxipale.

• Yakobe 4:8

  Mutxentxe mikhalelo sa ekumi anyu weera mukhalane onthamwene ni Muluku.

• Luka 21:34-36

  Mwiitte waasa oyeeha ehuhu anyu, mene mwekumini mwanyu mweetteleke sooruma sa Yehova.