10. Ekhaikhai voohima sa malaika

1 MALAIKA EMPARI YA EMUSI YA MULUKU

“Mmuttottopele Yahvéh nyuwo, antxelo awe, anakuru òweryaxa.” — Nsalmu 103:20

Nisuwenle heeni voohima sa malaika?

Yobi 38:4-7

Yehova aapattuxa malaika ahinaakuvene waatala elapo ya vathi.
Apokalise 5:11

Wookhala mukuttula wa malaika.
1 Pedru 1:11, 12

Malaika annivaherera weera ekhavihere yootthuna ya Yehova woowakhavihera atthu a elapo ya vathi.
Luka 15:10

Malaika ennatepa waaxikha atthu enawiiwelela Muluku.

“Ntxenlo a Yahvéh àteka ekhwikhwi okhwipi wa yale anamòva yowo.” — Nsalmu 34:8 [34:7 NM]

Ninsuwela hayi weera malaika ennaakhavihera atthu?

Ephattuwelo 19:15, 16; Daniyeli 6:23 [6:22 NM]; Luka 22:43; Miteko 12:6-11

Malaika yahakhavihera atthu ntoko Lothi, Daniyeli, Yesu, mpakana Pedru.
Aheberi 1:7, 14

Yehova onnaruma malaika weera yakhavihera arumeeyaawe mahiku ahu ala.

“Wera nihiwokiwe ni Satana, vawi nòsuwela myupuwelo sawe.” — 2 Akorinto 2:11

Mademoni taani, nave mwaha wa heeni eraaya malaika owuuma murima?

Apokalise 12:9

Nookhala nlaika nenno nanvirikannye Yehova. Mene nlaika nno nsinanawe Satana.
Ephattuwelo 6:2

Ehuhu ya Nowa yaakhala malaika yaavirikanyinhe muupuwelo aya ekhuruwela elapo ya vathi.
Matheyo 9:34

Malaika makina yatakanserana ni Satana mene mukuttula ola wa malaika waathatuwa okhala minepa soonanara.
Olaleya 18:10, 11

Mene, minepa iyo soonanara sinnilipihera owoototha naari waahasula atthu a mwelaponi.

“Munvirikanyihe Nanrima, siso anatthawe wa nyuwo.” — Yakobe 4:7

Yehova ananikhavihere hayi weera niwere onvirikanyiha Satana ni minepa soonanara?

Miteko 19:19

Murihe mapaatiri, itthuwo naari itthu siri sootheene mukhalannaanyu sinthonyihera maxitta.
Ephattuwelo 6:16, 18

Mulipihe nroromelo nanyu, nvirelelihe omusoma Biblya ni muhihiyerere onvekela Muluku weera awaakiherekeni.
Miruku 18:10

Nvareleke miteko nsina na Yehova mwavekelaka.