14. Etthoko anyu enoowera okhala yohakalala

1 YEHOVA MPATTUXA A ETTHOKO

“Mwa yeyo kinnakhunela makutha aka oholo w’Atithi, anìtthaneliwaya’mo masina ahima othene a wirimu ni a vathi vava.” — Aefeso 3:14, 15

Etthoko anyu enawere hayi okhala ohakalala?

Ephattuwelo 1:26-28

Etthoko yopatxera epattuxiwe ni Yehova.
Aefeso 5:1, 2

Etthoko anyu weera ekhaleno ohakalala, ontthuneya otthara ntakihero na Yehova ni Yesu.

“Vanonto mutthu ti mutthu a nyuwo, anyi, mutthu ti mutthu amusivele mwariye ntoko mwanene, ni muthiana amòve iy’awe.” — Aefeso 5:33

Mulopwana ni muthiyana athelanne, ethokororaneke moota heeni?

Aefeso 5:22-29

Mulopwana muru wa vatthokoni. Koma ontthuneya weera aasiveleke amwariye, nave áthiyana ekhavihereke sothanla sa aiyaya.
Akolosi 3:19; 1 Pedru 3:4

Anamathelana ererelaneke murima mukina ni mukwawe, nave ekhaviheraneke.
1 Pedru 3:1, 2, 7

Alipa othelana ettittimihaneke mukina ni mukwawe.
1 Timotheyo 5:8; Tito 2:4, 5

Tiithi aaseke itthu soothene sinthowa vatthokoni. Nave athiyana evareke matata meeli etthoko aya.

“Ni nyuwo, asitithi, muhànyonyiheke anamwan’inyu, mene mwàleleke yawo orattene, mwàlakaka ni mwàttaruxaka mwa Apwiya [Yehova].” — Aefeso 6:4

Muritthi heeni anamayara arayano?

Olaleya 6:4-9; Miruku 22:6

Mwaxuttiheke anamwane anyu ikano sa Yehova emaara yootheene. Mpatxereke waxuttiha eyenvene muhakhalelaka owali, weera ewere otthanla okhala nthamwene a Yehova.
1 Pedru 5:8

Mwaxuttihe anamwane anyu osepa itthu sowopiha ntoko, okonihana woohirerela ni itthu ikina.
Yeremiya 30:11; Aheberi 12:9-11

Nyuwo ontthuneya weera mwalakeke aninyu, maxi muhalakeke munyonyinwene naari ni owali.

“Nyuwo, anamwane, nwìweleleke asinamuyari anyu mwa Apwiya, wona wi ela ti ya exariya.” — Aefeso 6:1

Heeni nyuwo anamwane ontthuneyaya owiiwelala asitithi nyu?

Miruku 23:22-25; Akolosi 3:20

Wiiwelela wanyu onomuhakalaliha Yehova ni asitithanyu.
1 Akorinto 15:33

Nwaseke asintthamwene animusivela Yehova. Koma nyuwo onimookhwelani opaka itthu sooreera.