15. Ephiro yeekhaikhai ennikhavihera omwaattamela Muluku
1 NNASUWELE HAYI ETTIINI YEEKHAIKHAI
“Ephiro enroiha weiwo, eri yorika: vano ari vakhani yale anaphwanya ephiro yeyo.” — Matheyo 7:14
Ninsuwela hayi weera Muluku khanaasa waakhulela okokhorela ori poothe?
-
Muluku khanaakhulela ittiini sootheene. Naari tho khoiyono weera ittini siri muttuniyani sinnapaka yootthuna ya Muluku.
-
Okokhorela weekhaikhai onnaroiha wokhumini woohimala. Vahera ephiro yoowotha ennaroiha wookhwani.
-
Khontthuneya weera muleeliwe weera ela nari ele ettiini yekhaikhai kapena ti yoowotha, mene mwaha wa mikhalelo saatthu eneetta mwemmo munimona ni maitho anyu. Khontthuneya weera muroke ettiini neettini weera musuwele waari weera ti yeekhaikhai, mene ontthuneya osuwela ele Biblya onxuttihaawe.
2 EPHIRO YOOREERA YOONVUWIHANO MULUKU
1 Atesalonika 2:13; 2 Timotheyo 3:16, 17
Muroromele ni muxuttihe ele eri ya mBiblyani.
-
Nimukokhoreleke paahi Yehova nave nivariheleke muteko nsinanawe.
-
Noonihereke nsivelo naatthu akina.
Yohani 3:36; Miteko 4:12
Nimwiiweleleke Yesu, mene namwiwelela vale Muluku ononivuluxa moorwela mwa yoowo.
Yohani 18:36; Miteko 5:29
Nihivolihereke ni mnyaha sa mulaponi.
-
Mwaxuttihe atthu akina voohima sa omwene wa Muluku niwoko toneera omalihe maxupo atthu ootheene.
3 ONTTHUNEYA WOONIHERA ELE NINROROMELAHU
Nnapakeke heeni weera Muluku aakhulele okokhorela wahu?
Yakobe 2:19
Weera Muluku ookhala khonkwana. Mene ontthuneya opaka ele Biblya onahimaawe.
Yesaya 52:11; Apokalise 17:5
Ittiini sowotha neere, “Babilonia mutokwene,” onnaaxuttiha atthu omukokhorela Muluku moohirerela. Ittiini sowotha sinnaxuttiha soowotha voohima sa Muluku okawanyeya amiluku araru, atthu okhalano munepa woohikhwa ni okhala nipuro noohisiwa atthu omoroni.
Apokalise 18:4, 8
Okaphila nooweha ittiini sootheene sowoototha, Yehova onoophwata. Tivaavonto ontthuneyaawe weera mukhumemo moowakuveya weera muhiphwanyiwe mureene mwemmo nave muhiphwanyiwe ni owali onrwa.
-
Muhittiwale weera, mwiittiwa na atthu akina, Yehova khaanoohiyani meekhinyu.