16. Muthanle omukokhorela Muluku

1 MUSEMPE OKOKHORELA WOOHIRERA

“Mwa yeyo variyari vaya mukhume ni mmwalane ni yawo, annèra Apwiya, [Yehova] muhitannye itthu sa muxino, ni miyo kini kiwàkheleni.” — 2 Akorinto 6:17

Mwaha wa heeni ohinrerelaya okokhorela ilatarato?

• Ottimula 20:4, 5; 1 Yohani 5:21

  Yehova khantthuna weera nikokhoreleke ilatarato.

• Olaleya 18:10-12

  Atthu anùluma ni minepa sa alipa okhwa, atthu awo anùluma ni anakuru a Satana. Eyo tiyo minepa soonanara sa Satana.

2 MULUKU KHANSIVELIWA NI ISATAKA SO WUPUWELELA SA MULAPONI

“Muthanlaka yeyo enàsivela Apwiya.” — Aefeso 5:10

Munrowa owera hayi othanla ohikhavihera naari otxa isataka?

• Ezekiyeli 44:23; 2 Akorinto 6:14, 15

  Musuwele akhala weera esataka eyo ekhumme wa atthu ahimusuwenle Yehova.

• Ottimula 32:2-10

  Aakhala anipaka isataka ni yotthuna yooreera, mene isataka iyo pooti ohimusivela Muluku.

• Daniyeli 3:1-27

  Mukhottheleke isataka sinaavuwiha atthu, sa mareherero atthu, ni sa ithonyero sa elapo.

• 1 Timotheyo 1:18, 19

  Mulumeke nnene ni atthu, nave muhikhaleno ekokhola mmupuweloni ohoolo wa Yehova.

3 MUKHALE OOMALA MURIMA MWATHALIHAKA SOOROROMELA SANYU

“Nulumo nanyu nikhale kwekwe nosivela, nowèleliwa, wera musuwele mota xeni munaphwanelanyu omwàkhula mutthu ti mutthu.” — Akolosi 4:6

Munaalele hayi akwinyu soororomela sanyu?

• Matheyo 7:12

  Muttittimiheke sothanla sakwinyu weera nyuwo tho, muttittimihiwe ni sothanla sanyu.

• 2 Timotheyo 2:24

  Mukhaleke òpixa murima, weera muhakhulane ni atthu akina mwaha wa soororomela sanyu.

• 1 Pedru 3:15

  Mwakihereke soororomela sanyu mwa nttittimiho.

• Aheberi 10:24, 25

  Mmitthukumanoni mwa aKristu, atthu anathukumana weiwo annalipihana mukina ni mukwawe. Weera ewereke owakhula atthu anikoha soororomela sahu.