17. Ebarakha ya mavekelo

1 YEHOVA ORI VAKHIVIRU WEERA IWE MAVEKELO AHU

“Yahvéh ni yale othene anamwìtthana, anyi, ni yale othene anamwìtthana mororomelani.” — Nsalmu 145:18

Nipakeke heeni weera Yehova iweke  mavekelo ahu?

• Aheberi 11:6

  Ontthuneya weera nikhalekeno nroromelo.

• Nsalmu 138:6

  Ontthuneya weera nikhale anroromelo ni oottittimiha.

• Yakobe 2:26

  Naavekelaka nivekeleke ni murima woothene, nave ele ninvekelaahu ekhumeke vamurimani ni sivarihaneke ni ele ninvekelaahu.

• Matheyo 6:7, 8

  Naavekelaka ontthuneya okhala oororomeleya. Mene mavekelo ahu ehikhaleke ooheliwa mmuru.

• Yesaya 1:15

  Weera Muluku akhulele mavekelo ahu ontthuneya okhalano mikhalelo sooreera.

2 MAKOHO ENTTHARELANA ENOONIKHAVIHERA MOOTA WOOVEKELA

• Mwaha wa heeni ninvekelaahu?

  Matheyo 6:9; Yohani 14:6

• Ontthuneya weera nikokhoreke kapena neemeleke naavekelaka?

  1 Sowereya 17:16; Nehemiya 8:5, 6; Daniyeli 6:10; Marko 11:25

• Neereke Yehova onniiwa mavekelo ampuwampuwa?

  Nehemiya 2:1-6

• Ontthuneya weera nimaleke ihuhu ikavi nivekelaka?

  1 Samuweli 1:12, 15; Luka 20:46, 47

• Vanihukuni nivekeleke imaara ikavi?

  Aroma 12:12; 1 Atesalonika 5:17

• Mwaha wa heeni okhwipi wa nivekelo nnerahu “amen”?

  1 Sowereya 16:36; 1 Akorinto 14:16

3 ITTHU HEENI NNERAHU NIVEKELEKE

“Nanvekelà yowo yakhalaru etthu mowiwanana ni otthuna wawe, onnanìwa.” — 1 Yohani 5:14

Itthu heeni seiyo ompwanelaahu weera nivekeleke?

• Matheyo 6:9, 10

  Nivekeleke weera otthuna wa Muluku opakeye.

• 1 Sowereya 29:10-13

  Nivekeleke tho weera noonihere ohakalalela mwa itthu soorera ninkhalanaahu.

• Matheyo 6:11-13

  Niveke weera naakhele nikhavihero wa maxupo ootheene ennipwanya.

• Luka 11:13

  Nivekeleke munepa woottelaa.

• Yakobe 1:5

  Nivekele weera nikhalane miruku, nave weera nikhaleno soothanla sooreera.

• Afilipi 4:13

  Nivekeleke weera nileveleliwe soottheka sahu.

• Miteko 12:5

  Naavekeleleke atthu akina weera yaakhele nikhavihero.

4 YEHOVA ONIMWAAKHULA MAVEKELO AHU

“Nyuwo munnìwa mavekelo aya anyi, wa nyuwo atthu othene annarwa.” — Nsalmu 65:3 [65:2 NM]

Vano Yehova onakhula hayi mavekelo ahu?

• Miruku 12:25; Apokalise 14:6

  Yehova onnaruma malaika weera enikhavihere.

• 2 Akorinto 4:7

  Munepa woottela ononivaha nikhavihero nri poothe.

• Afilipi 4:6, 7, 13

  Mene onoonivaha murettele ni ikuru weera nivileleke etthu eri poothe.

• Agalata 6:1; 2 Timotheyo 3:16, 17

  Mene tho onnanivaha miruku moorwela mBiblyani ni muloko.