18. Onnatthuneya wivaherera weera mbatiziwe?
1 ONNATTHUNEYA OBATIZIWA?
“Òná, vá mahi àkhala. Ti xeni enakhottiha wi kibatiziwe?” — Miteko 8:36
Heeni ontthuneyaya weera mbatiziwe?
Obatiziwa enenero enonihera weera moohiya mikhalelo sanyu sakhalayi, vano munnakhulela okhalano ekumi enyowani mpakaka yootthuna ya Muluku.
-
Nyuwo ontthuneya weera mBatiziwe weera munvareleke muteko Yehova.
Nsalmu 40:9 [40:8 NM]
Obatizo ennenero enonihera weera muntthuna onvarela muteko Muluku.
-
Nyuwo ompwanela onelihiwa mmahini ntoko Yesu erihiwawe.
2 YEHOVA ONNOWEHERERANI WEERA MWIVAHERERE
“Khweli osivela wa Muluku ti wù: wera nikhapelele malamulo awe, ni malamulo awe khanalemela.” — 1 Yohani 5:3
Mwaha wa heeni nyuwo ohintthuneyaya woova wivaherera wa Yehova?
Nsalmu 103:14; Yesaya 41:10
Muhiweherere okhala oohittheka weera mwivaherere wa Yehova. Mwaha wowera owo ori olikanene weera okhavihereni opaka itthu sooreera.
Akolosi 1:10
Nsivelo muranyuno ni Yehova, nimmokhaviherani ovilela sooxupa sinoopwanyani.
3 MAKHALELO ANROWA WOKHAVIHERANI OROWA OBATIZIWA
“Wera kipanke otthuna wanyu, Muluku aka: wú t’onkisivela ni ikano sanyu siri mpuwa mwa murim’aka.” — Nsalmu 40:9 [40:8 NM]
Heeni muneranyu mpake weera mwivaherere wa Yehova?
-
MUSOMEKE NUULUMO NA MULUKU
Musomeke weera mmusuwele Yehova ni Yesu Kristu. Mwaxuttera sintxipale sa atthu ala eli, nsivelo nanyu nnimwatxerereya.
Aheberi 11:6
MULIPIHE NROROMELO NANYU
Mwaroromeleke anatiri a Muluku, nave ni mukuttho onivahiyawe Yesu weera noopoliwe mwa soottheka ni okhwa.
Miteko 3:19
MUTTHARUWE SOOTTHEKA SANYU
Eyo enitaphulela weera ontthuneya okakhela ottuli soottheka soothene mutthu opankaiye khalayi.
ORUKUNUXA MURIMA
Onithaphulela okhottela mikhalelo soothene soonanara, maxi opaka itthu sooreera.
1 Pedru 4:2
OVAHERERA OKUMI
Nyuwo munovaherera ekumi anyu wa Yehova, emaara munrowanyu opaka nivekelo mmulelaka weera muntthuna onvarela yowo ni opaka ele onihimawe.