19. Mukhale vakhiviru ni Yehova

1 YEHOVA ONNISIVELIWA NI NYUWO

“Khweli Muluku òtthuna vantxipale elapo ya vathi ophiyera onvaha Mwanàwe mmosaru, wera yeyo eri yothene enamwiwelela, ehiriheye, nto ekhaleno ekumi yohimala.” — Yohani 3:16

Muluku anoonihera hayi nsivelo wa hiyo?

• Nsalmu 91:2

  Yehova nikhuku hiyo nneraahu ntthawelekemo. Vano owo anonimaliha wakhala weera ennanipwanya maxupo.

• Nsalmu 37:29

  Owo onivaha yoweherera ya muhoolo yootepa otthuneya.

• 1 Timotheyo 6:12, 19

  Muluku ononivaha ekumi yoohimala yoohikhala niiyo yonixupa. Nave nnahala okhalano murettele, ohakalala ni opuha ekumi yooreera.

2 YEHOVA ONONITHOKORORA NI ONISIVELA

“Weyo onahala wàtthuna Apwiya Muluku á ni murimà wothene, ni munep’á wothene, ni mupuwelo à wothene.” — Matheyo 22:37

Vaavo Muluku onooniherarawe nsivelo nnapakeke eheeni?

• Luka 17:12-17

  Moonihere ohakalalela wa itthu soothene Muluku onnipakelaawe.

• Matheyo 7:16-20

  Moonihere weera munnamusivela Muluku mpakaka yootthunaawe nenne nxiiye.

• 1 Yohani 5:3

  Niiweleleke malamulo a Muluku.

• 1 Timotheyo 6:18

  Nipakeke ele ninweraahu weera naakhavihere akina.

3 NIVIRELELIHE OKHALANO NSIVELO NOOLIPA NI YEHOVA

“Mwìsunkeke mosivelani mwa Muluku.” — Yuda 21

Eheeni eneera enaattamelihe Yehova?

• 1 Atesalonika 5:17

  Nivekeleke woohihiyerera.

• Matheyo 28:19, 20; 2 Timotheyo 4:2

  Nipakeke ele ninweraahu weera naaleleke atthu akina voohima sa Omwene wa Muluku.

• Miruku 2:1-5

  Nivirelelihe oxuttera sa Yehova.

• Aheberi 10:24, 25

  Ontthuneya weera nihitxompeke mmithukumanoni. Anna vamoha narokora enoonikhavihera okhala vakhiviru ni Yehova.