MAKHALELO A MAKRISTU

Mwaakhavihere ale ehikhanleno ettiini omusuwela Mpattuxa

Neereke mmutekoni woolaleera mohinta onvira mutthu ahikhanleno ettiini, muupuwelelaka weera khaarowa owiiwani? Wakhala mohinta, muupuweleke weera antxipale yahaakhanleno ettiini, waahela mpuwa atthu ehinroromela weera Muluku ookhala, yaahaakhulelela ekhaikhai ni okhala Anamoona a Yehova. Mwa ikwaha sintxipale, atthu awo etthu enhaawelaaya, nikhavihero vakhaaneene paahi woosuwela weera Muluku ookhala.

MOONELE EVIIDIYU MUUPUWELELEKE — ATTHU OOHIKHALANO NROROMELO POOTI OKHALANO! — ATTHU OOTTITTIMIHIWA. AVINYAKA MWAAKHULE NIKOHO NNA:

Yooweereya ya Tommaso enookhaviherani moota heeni okhalano moonelo wooreera woohima sa waalaleera ale ahikhanleno ettiini?

Mulepeke va inoota sanyu

Ninrowa opaka hayi

Wakhala weera mutthu mmoha khonroromela weera Muluku ookhala, mmoonihere nsivelo ni mmoonihere otthuneya waya woohima sa ele onuupuwelaawe. (2Tim 2:24) Mutthekule ni nyaha sinkela omusivela mutthu owo. Neereke mutthu owo onimwaakhulela othokorora nyaha saakhavihenre atthu antxipale osuwela weera Muluku ookhala? Wakhala weera onnaakhulela, nvarihele muteko iliivuru ni iviidiyu sipakinwe weera saakhule mwaha owo. Ibroxura Será Que a Vida Teve Um Criador? e A Origem da Vida — Cinco Perguntas Que Merecem Resposta seiyo viinaano va, siri va Ikaruma sahu Sooxuttiha weera sinikhavihere.

Apaale woopatxerani, nyuwo wannooxupani otthekula ni mutthu ohinaakhulela weera Muluku ookhala. Munoonela hayi onvekela nikhavihero namalaleera orino sookumanano sintxipale mmutekoni woolaleera? Muupuweleleke weera Yehova pooti wookhaviherani, waavara murima ale ekhalanne murima woowiiyeviha, nnaamweera woopatxerani ehaakhulelaka weera Muluku ookhala. — Mit 13:48.