12-18 A MAIO

MIRUKU 13

Etxipo 34 ni Nivekelo | Masu oohulela (emin. 1)

MIHAKHU SA MASU A MULUKU

1. Muhiwokiwe ni “[muthuko] wa atakhali”

(imin. 10)

Atthu oonanara murima khiyaanoono yooweherera (Mir 13:9; it-2 epaax. 189 eparag. 3-4)

Muhikhaleke ni atthu yaale eneeriha itthu soonanara okhala ntoko ti sooreera (Mir 13:20; w12 15/7 epaax. 12 eparag. 3)

Yehova onnaareeliha anaxariya (Mir 13:25; w04 15/7 epaax. 31 eparag. 6)

Otakanseriwa wa efootu: Olikanxeriwa wa soothanla soonanara sa mulopwana mmoha ohikhanle Namoona a Yehova ni soothanla sooreera sa asinna eeli Anamoona a Yehova. 1. Mulopwana mmoha iinaka obaare avarenleene eviinyu mmatatani. 2. Avinyaka, muhoolo mwaya, owo onnavoreiwa ni onnawura mirette. 3. Asinna ni asirokora ethukumanneene vanlakani oxekuwa. Asinna ale eeli yiipaka moohakalala, yiinaka ni etxaaka vamoha. 4. Nihiku naattharelana, awo ennavara muteko woolaleera. — Ekumi ya atthu ale enaasa itthu sa mulaponi khenhakalala. Mene ale empaka yootthuna ya Yehova ennaphwanya ohakalala weekhaikhai mweekumini mwaya

2. Othokorora itthu soomunepani

(imin. 10)

Mir 13:24 — Muupuwelo heeni woonarara atthu akina eraayano woohima sa nsivelo ni nttaruxo? (it-2 epaax. 117 eparag. 3)

Mulepeke va inoota sanyu
Itthu heeni sootthuneya mphwannyaanyu emaara mwaamusomaanyu Biblya esemana ela?

Mulepeke va inoota sanyu

3. Omusoma Biblya

(imin. 4) Mir 13:1-17 (th-MAC 10)

MWIILIPIHERE OVARA MUTEKO WOOLALEERA

4. Otthekula woopatxera

(imin. 3) EMPA NI EMPA. Mpatxerihe otthekula muulumaka etthu yeereñye viinaano. Avinyaka, mutxentxe muulumaka mwaha wa mBiblyani yoowo onrowa omusivela mutthu owo. (lmd yoosoma 2 epontu 5)

5. Otthekula woopatxera

(imin. 4) OLALEERA WOOHIIREHERERA. Munwope mutthu owo weera oonele muthukumano. (lmd yoosoma 2 epontu 3)

6. Mwaha

(imin. 5) lmd ethonyero A epontu 9 — Muru: Anamwane anaattittimiha ni owiiwelela asipapaya enookhalano ekumi yoowaatta. (th-MAC 16)

MAKHALELO A MAKRISTU

Etxipo 77

7. “Warya wa anaxariya onnahakalaliha”

(imin. 8) Mwaha.

Masu a Muluku aakhalano osuwela ni miruku seiyo sihinlikana ni etthu ekina. Vaavo ninvarihelaahu weera nimwaleele ephiro ahu, hiyo ninnahakalala ni ninnakhalano ekumi yooreera. Eyo etthu elapo ehinweraaya onivaha.

Yooweereya ya nviidiyuni “Elapo khenwera onivaha etthu ehikhanlaayano.” Murokora Guzel akinlantheene awehaka wiirimu.

Moonihere EVIIDIYU Elapo khenwera onivaha etthu ehikhanlaayano. Avinyaka mpake nikoho nna:

Moota heeni yooweereya ya murokora Guzel enooniheraaya weera “warya wa anaxariya” ti wa vasuluxa opwaha “[muthuko] wa atakhali”? — Mir 13:9

Mulepeke va inoota sanyu

Muhiyeleeleke etempu anyu muupuwelelaka itthu sa mulaponi naari ottharuwa mwaha wa soothanla mpankaanyu weera munvareleke Yehova. (1Yoh 2:15-17) Ohiya opaka eyo, nwehexexeke ‘osuwela otokweene’ muraanyuno. — Af 3:8.