19-25 A MAIO
MIRUKU 14
Etxipo 89 ni Nivekelo | Masu oohulela (emin. 1)
1. Muupuwele nnene etthu munrowaanyu opaka yakhumelela erisa ya ephattu
(imin. 10)
Muhaakhuleleke “sothene” muniiwaanyu (Mir 14:15; w23.02 epaax. 22-23 eparag. 10-12)
Muhipakeke soothanla moovarihana ni muupuwelo anyu naari ni itthu nvirinhaanyu (Mir 14:12)
Muhimwiiweleleke mutthu onkhoota wiiwelela miruku sa mareherero a Yehova (Mir 14:7)
WEERA MPHIMELELE: Asitokweene a mmulokoni, neereke nyuwo muri oolikaneene wiiwelela miruku sa Yehova ni omuroromela moomalela owo vaavo enkhumelelaaya erisa ya ephattu? — w24.07 epaax. 5 eparag. 11.
2. Othokorora itthu soomunepani
(imin. 10)
Mir 14:17 — Mwaha wa heeni ‘mutthu a miruku’ oniittiwaawe? (it-2 epaax. 780 eparag. 3)
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Mir 14:1-21 (th-MAC 11)
4. Otthekula woopatxera
(imin. 3) OLALEERA WA VANLAKANI. Mutthu owo onnahima weera onnaxupeya ni othowa musurukhu. Mmoonihere ele Biblya onhimaawe. (lmd yoosoma 3 epontu 3)
5. Munnuwiheraka opwatthela
(imin. 4) EMPA NI EMPA. Munvahe mwaneene vaate erevista emoha enuuluma woohima sa mwaha oonihenraawe ntthuno otthekula woopatxera. (lmd yoosoma 9 epontu 4)
6. Mwaapakaka atthareli
(imin. 5) Mmooperere namasoma anyu a Biblya omusooma Biblya mahiku ootheene ni mmoonihere etthu enrowa omukhavihera opaka eyo. (th-MAC 19)
Etxipo 126
7. Mwiireherere wa erisa ya ephattu
(imin. 15) Mwaha.
Onrowa opakiwa ni mutokweene a mmulokoni. Wakhala weera sookhala soohimmwa sa oBeteli naari sa ekhurupu ya asitokweene a mmulokoni, muhime.
Okhala weera ninkhala “mahiku òmalihera,” noosuwela weera maxupo eneereke waatxeerereya. (2Tim 3:1; enoota ya yoosoma ya Mt 24:8, nwtsty) Imaara sintxipale, vaavo enkhumelelaaya erisa ya ephattu, atthu a Yehova ennaakhela emaara yooreerela miruku seiyo sinvuluxa ikumi. Nto pooti weeraka ovuluwa wahu onlipa ni moota nniiwelelaahu viinaano va, niirehereraka mwa mukhalelo wa omunepani ni wa weerutthuni. — Mir 14:6, 8.
Mwiireherere mwa mukhalelo wa omunepani: Mukhaleno mukhalelo wooreera wa omunepani. Mwiireherere mwa mikhalelo soovirikana sa olaleera. Muhixupeye wakhala weera imaara ikina munoorakamelana ni asinna. (Mir 14:30) Yehova Muluku ni Yesu Kristu ikwaha sootheene enoorowa okhala vakhiviru vanyu. — od-MAC ekap. 17 epaax. 176-177 eparag. 15-17
Mwiireherere mwa mukhalelo wa weerutthuni: Ohiya paahi okhalano murupa wootthawano ti wooreera yeele eri emusi okhalano maahi ookwanela, eyootxa, mirette ni itthu ntoko iya, wakhala weera hiyo onootthuneyaka okhala mpani mwa etempu yintxipale. — Mir 22:3; g17.5-T epaax. 4
Moonihere EVIIDIYU Munkela opaka eheeni ehuhu ya erisa? Avinyaka mpake makoho ala:
Moota heeni Yehova onrowaawe onikhavihera yakhumelela erisa ya ephattu?
Itthu heeni nintthuneyaahu opaka weera niireherere?
Moota heeni ninrowaahu omukhavihera mutthu ophwanyiwe ni erisa ya ephattu?
8. Osommwa wa Biblya mmulokoni
(imin. 30) w22.8 Mwaha onthokororiwa 32 eparag. 10-19 ni makoho a wuuluula