Nikhavihero na moota woosoma

Neereke nyuwo onnoosivelani osoma sooweereya sa mweekumini sa asinna ni asirokora?

Ntheli nimoha ninsoma mahiku ootheene oxeexelo sooweereya sa mweekumini sa asinna, nihimme ha: “Osoma sooweereya iyo, sinnanlipiha ni sinnanivaha ohakalala! Sooweereya iyo sinnanuupuxera weera hiyo, pooti okhala anroromelo, nnaamweera nivirihaka maxupo.” Murokora mmoha orino moonelo owo olempe ha: “sooweereya iyo sinnakixuttiha, sinnakimaaliha, nave sinnakivara murima. Asinnihu aakhalano ekumi yoororomeleya ni yootthuna ya muhoolo. Sooweereya iyo, sinnanikhavihera wiilipihera ovara muteko woolaleera. Ni sinnakikhavihera owooperera anamwane aka weera envareleke muteko Yehova mwa ehuhu yootheene.”

Nyaha sa sooweereya sa mweekumini, pooti oweerihani nyuwo otthuna onvarelaxa muteko Yehova, owina vaavo munttettheyaanyu, ni ovilela moohakalala vaavo muneereriwaanyu. Munkela ophwanya woowi soosoma iyo?

• Nphwanye nyaha sineera “Histórias de Vida de Testemunhas de Jeová” va jw.org naari va JW Library®.

• Mwaasaase “Histórias de Vida de Testemunhas de Jeová” va EBIBLIOTEEKA ON-LINE ya Torre de Vigia^™ naari va Watchtower Library.