Yesu “àhusera wiwelela”

Ikwaha sootheene Yesu annamwiiwelela Yehova. (Yoh. 8:29) Vanonto, mwaha wa heeni Biblya onhimaawe weera “àhusera wiwelela ahawaka”? — Aheb. 5:8.

Emaara aaraawe elapo ya vathi, Yesu aaviriha itthu seiyo aahavirinhaawe wiirimu. Owo aahuuwale ni asitiithi oowiilipihera mene oohimalela. (Luka 2:51) Owo aahasuliwa ni ahooleli a ittiini ni anamalamulela a mulaponi oohixariya. (Math. 26:59; Mar. 15:15) Opwaha mwa yeeyo, “òhiyeviha mwanen’awe, ìpankaka òwiwelela mpaka okhwa,” okhwa weiwo woovoreya. — Afil. 2:8.

Sookumanano iyo soomuxuttiha Yesu okhala oowiiwelela mwa mukhalelo yoowo owo ahaaxuttenraawe areene wiirimu. Owo aamurowa okhala Mwene ni Namakeya mutokweene, yoowo eera awereke oniiwexexa. (Aheb. 4:15; 5:9) Yesu aari ootthuneyaxa wa Yehova, axutterakaru wiiwelela moorweela mwa itthu sooxupa aavirinhaawe. Hiyo-tho pooti okhala atthu ootepa otthuneya wa Yehova ni ovareleya muteko mwa yoothanleliwa eri poothe Owo aneeraawe anivaheke wakhala weera hiyo nnoovirelela okhala oowiiwelela mwa mikhalelo sooxupa. — Yak. 1:4.