Awo yaamwiiwelela Satana, eheeni yaakhumelenle?

Adamu ni Heva khiyamwiiwelenle Muluku mene yahookhwa. Ephattuwelo 3:6, 23

Heva yahiwelela enowa ni yaatxa yoowima ya mwiri wookhotthihiwa. Vahoolo vaya aanvaha-tho Adamu ni yowo aahotxa.

Etthu yapankaya yaari yoonanara ni yoottheka. Nave Muluku awikaramo mparadiso.

Okhuma vavale, Heva ni Adamu yapatxera ohaawa naanayeene. Ni yaahuluvala okhwipiwaya yahookhwa. Mene khiyattatunwe minepa koma yaahiiye okhala.

Alipa okhwa eri ntoko nthupi, awo kiyaanono ekumi. Ephattuwelo 3:19

Atthu oothene ennakhwa mwaha wowera oothene nikhumme wa Adamu. Mene alipa ookhwa khenoona, kheeniwa nari khenvara etthu. — Koheleti 9:5, 10.

Yehova kantthuna weera atthu ekhwaaka. Vano moohipisa owo onimwavinyereriha ale enkona mmahiye. Vano yamwiwa vale Muluku enookhalano ekumi yoohimala.