YOOSOMA 02

Biblya onnanivaha yooweherera

Itthu Simpirimiriwe

Atthu a elapo yootheene annakumanano maxupo. Mwaha wa yeeyo atthu annaripiwa murima ni annathanana. Neereke nyuwo wannooripeni murima? Pooti weera nyuwo munnovoreiwa, naari ohookhwa ole mwaamusivelaanyu. Nyuwo munnuupuwela: ‘Neereke nihiku nikina itthu inooreera?’ Ele Biblya onhimaawe enimoosivelani.

1. Yooweherera heeni Biblya onnivahaawe?

Biblya onnahima mwaha wa heeni mulaponi atawanlaaya maxupo. Mene owo tho onahima mitthenka sooreera eeraka: maxupo ootheene anoomala. Biblya onnathaliha tho weera ‘novahiwa yooweherera ya muhoolo ni nroromelo’. (Mmusome Yeremiya 29:11, 12.) Yooweherera eyo ennanikhavihera ovilela maxupo mahukwaano ni okhalano moonelo wooreera. Nave-tho ennanikhavihera okhala oohakalala vaanano va mpakana muhoolo.

2. Natiri heeni Biblya onimanenlaawe woohima sa muhoolo?

Biblya oneera muhoolo “okhwa khorwa okhala veli, nari winla nari wikhupanyera nari ovoreya khorwa okhala tho.” (Mmusome Apokalise 21:4.) Maxupo antanyera ohaawa olelo va—ntoko ohaawa ohixariya, iretta ni okhwa—sinoomala. Biblya onnanroromeliha weera atthu, anoophwanya ohakalala woohimala mParadiso elapo yeela ya vathi.

3. Munaaroromele hayi weera itthu sootheene Biblya onhimaawe sinimweereya?

Atthu annatthuna weera itthu sooreera seereyaka. Mene awo pooti ohovela wakhala weera itthu iyo sinimweereya kapena hooye. Nto ennavirikana ni ele Biblya onhimaawe. Nyuwo munimwaakhulela weera sootheene Biblya onhimaawe sinimweereya “muthokoreraka nihiku ti nihiku solempwa”. (Miteko 17:11) Omusoma Biblya onimookhaviherani othanla waari weera munimwaakhulela kapena hooye ele Biblya onhimaawe sa muhoolo.

WEERA MUXUTTERE SINTXIPALE

Moone itthu Biblya olaihenraawe sa muhoolo. Nto moone sooweherera sa muhoolo siri mBiblyani sinaakhaviheraaya atthu olelo va.

Otakanxerana wa ilataratho: mpuwa-mpuwa, elataratho enoonihera ohaawa wa atthu mahukwano. muhoolo, elataratho enoonihera moota ekumi enrowaaya okhala muhoolo. Sookhala itthu sintthikela vathi vawo.

4. Biblya onnanroromeliha weera nnookhala mahuku ootheene woohihaawa

Elista enttharelana ennathaliha anatiri ari mBiblyani. Wa anatiri ene yaala, tuuvi osivenleni? Mwaha wa heeni nyuwo mmuthanliyaanyu yoola?

Musome soolepa sa mBiblyani siri moono mukina sa natiri ori poothe, avinyaka mutthekule ni ipontu sinttharelana:

Munoona weera ipontu iya sinnoovahani yooweherera? Neereke ipontu iya sinoowera omukhavihera mmusi anyu naari nthamwene anyu?

Nkuupuwelelani okhala elapo:

KHAAVO ONROWA . . .	ATTHU OOTHEENE ANROWA . . .
woonaka ovoreya, ohaawa mwaha woowuluvala.—Yesaya 25:8.	owoonaka atthu ale yaakhwiiye etthikelaka okhala elapo yeela ya vathi.—Yohani 5:28, 29.
ovoreiwa naari orakala.—Yesaya 33:24; 35:5, 6.	okhalano ekumi yooreera ni ikuru sintxipale.—Yobi 33:25 NM.
onrowa othokororiwa mohixariya.—Yesaya 32:16, 17.	okhalano yootxa yintxipale, empa yooreera ni muteko woohakalaliha.—Nsalmu 72:16; Yesaya 65:21, 22.
ohaawa mwaha wa ikhotto.—Nsalmu 46:9.	osuwela murettele weekhaikhai.—Nsalmu 37:11.
okhala ooripiwa murima, naari mwaha woowuupuwelela itthu soonanara.—Yesaya 65:17.	okhala mahiku ootheene ni mikhalelo sooreera.—Nsalmu 37:29.

Mmiravo avoreiwa khalayi vano okhalano ekumi yooreera ni onnakhupaarela amayawe.

Mulopwana uuluvanle vano mmiravo; onnapurula ekarinyu ya mmatatani esanrene sootxa.

5. Anatiri a mBiblyani animookhaviherani mweekumi mwanyu

Atthu antxipale onnawiina murima ni onnanyoonya mwaha wa maxupo anoonaaya mulaponi. Akina annapaka ele anweraaya weera etxentxe mikhalelo sa mweelaponi. Moone soolaihera sa mBiblyani seiyo sinoonihera weera itthu inooreera muhoolo, sinaakhaviheraaya atthu akina. Moone EVIIDIYU, avinyaka mutthekule ni ipontu sinttharelana:

EVIIDIYU: Miyo kaatthuna elapo ya xaria (4:07)

Egrupu ya ifootu: Yootaphulela ya eviidiyu ‘Imiyo kaatthuna owanano ohixariya.’ 1. Rafika akhawaka ntxotxe ni atthu akina a eraasaawe owo areene mwaamwali. 2. Rafika onnitepa ohakalala owoona atthu a mahimo oohiyana-hiyana yiiwananaka vaavo owo aaraawe vamuthukumanoni mutokweene wa Anamoona a Yehova ekwaha yoopatxera.

Moovarihana ni eviidiyu, ohixariya heeni waamuxupa Rafika?
Ohixariya Rafika onnaawe khawaamanle. Naamwi vareene hiiho, Biblya omukhavihenre hayi?

Sooweherera sa muhoolo siri mBiblyani, sinoonikhavihera ovilela maxupo anniphwanya. Mmusome Miruku 17:22 ni Aroma 12:12, avinyaka mutthekule ni ipontu sinttharelana:

Munoonela hayi, neereke sooweherera siri mBiblyani simookhaviherani mweekumini mwanyu? Mwaha wa heeni munuupuwela anyu hiiho?

ATTHU AKINA ANEERA: “Soolaihera siri mBiblyani ti sootepa oreera, atthu akina anoona weera khaiyene ti sa ekhaikhai.”

Mwaha wa heeni munonaanyu weera ti wootepa otthuneya osuwela ekhaikhai sa mwaha ene yoowo?

NYAHA SOOTTHUNEYA

Biblya onnanivaha yooweherera. Ni osuwela weera owo onnanroromeliha itthu sooreera sa muhoolo, onnanikhavihera ovilela maxupo anniphwanya.

Wuuluula

Mwaha wa heeni atthu antthuneyaaya okhalano yooweherera?
Biblya onhima eheeni voohima sa itthu sa muhoolo?
Moota heeni sooweherera siri mBiblyani sinrowaaya wookhaviherani mweekumini mwanyu?

Yoosoma ela kimalinhe nihuku na:

Mpika

Ekina:

Your other goal

WEERA MUSUWELE ITTHU SINTXIPALE

Musuwele owera oraayano yooweherera.

“Esperança—Onde você pode encontrá-la” (Despertai!, 22 de Abril de 2004)

Moone moota yooweherera ya muhoolo enaakhaviheraaya ele arinono eretta ehinlamiwa.

“A Bíblia pode ajudar você a conviver com uma doença (Mwaha va jw.org)

Emaara munrowaanyu woonaka eviidiyu ela ya etxipo, mweerereke wuupuwelela mureene mParadiso Biblya olainhenraawe ni amosi.

Muupuweleke elapo yoohikhala ohaawa (3:37)

Musome yoowereya ya mweekumini ya ativista mmoha moota yatxentxeyaaya asuwelakaru yooweherera ya muhoolo eri mBiblyani.

“Não acho mais que preciso mudar o mundo” (A Sentinela, 1.º de Julho de 2013)