Wiihela nipuro na atthu akina

Etthu Yesu aapankaawe

EVIIDIYU: Yesu onnaamorela ikharari atthu

1. Moone EVIIDIYU, naari mmusome Marko 6:30-34. Avinyaka mwaakhule makoho enttharelana:

1. Mwaha wa heeni Yesu ni atthareli awe “yaatthunaaya okhala meekhaaya”?

2. Ti heeni yaamweerinhe Yesu waaxuttiha atthu?

Ntakihero na Yesu ninnixuttiha eheeni?

2. Naihelaka nipuro na atthu akina, ninnaapwattha atthu awo, ohiya paahi wa mitthenka ninlaleyaahu.

Mutthareke ntakihero na Yesu

3. Mmwiiweke moomaaleleya. Mmuhiyeke mutthu owo wuuluma, muhimuthikile masu naari ohipwatthela naari ovanyiha wawe. Vaavo mummwiiwexexaanyu, mutthu owo onnoona weera munnapwattha moota owo onuupuwelaawe.

4. Mmuupuwelele mutthu ole orino ntthuno. Muupuwelelaka moota mwaatthekunlaanyu nuuwo, mwiikoheke ha:

1. ‘Mwaha wa heeni owo ontthuneyaawe wiiwa mitthenka sooreera?’

2. ‘Moota heeni yoosoma ya Biblya eneeraaya emukhavihere okhalano ekumi yooreera viinaano ni muhoolo?’

5. Nvariheleke muteko soohimmwa sineera sivareleye muteko woohima sa mutthu owo. Wakhala woowereya, mmoonihere moota yoosoma ya Biblya eneeraaya emukhavihere waakhula makoho awe ni moota eneeraaya emukhavihere okhalano ekumi yooreera.