Opixa murima

Etthu Yesu aapankaawe

EVIIDIYU: Moopixa murima Yesu aamukhavihera munnawe

1. Moone EVIIDIYU, naari mmusome Yohani 7:3-5 ni 1 Akorinto 15:3, 4, 7. Avinyaka mwaakhule makoho enttharelana:

1. Woopatxerani asinnawe Yesu yoonela hayi mitthenka owo aalaleeraawe?

2. Etthu heeni enoonihera weera Yesu khaamuhiñye munnawe Yakobe?

Ntakihero na Yesu ninnixuttiha eheeni?

2. Nintthuneya okhala oopixa murima mwaha wooweera atthu akina ennapisa waakhulela mitthenka sooreera waapwaha akina.

Mutthareke ntakihero na Yesu

3. Mweerereke ovarihela muteko moota mukina. Wakhala weera mutthu owo khaakhulenle yoosoma ya Biblya moowaakuveya, muhimunyeserere. Wakhala woowereya, nvarihele muteko iviidiyu naari iliivuru sahu weera mmukhavihere wiiwexexa moota nimpakaahu yoosoma ya Biblya ni moota eneeraaya emukhavihere yoosoma eyo.

4. Muhaalikanxereke ni atthu akina. Atthu toohiyana. Wakhala weera mmusi anyu naari mutthu munamuxekuraanyu khanaakhulela yoosoma ya Biblya, mweerereke wiiwexexa etthu emmweeriha. Neereke mutthu owo onhela mwiitti sooxuttiha sa ettiini awe? Neereke owo onootthara-tthariwa ni amusi awe naari atthu ale aattamannaaweno? Munvahe etempu mutthu owo weera uupuwelele ele muulummaanyu ni osuwela ovaha mwiitti ele Biblya onxuttihaawe.

5. Munvekeleleke mutthu owo moohihiyerera. Nvekeleke nikhavihero wa Yehova weera nvirelele okhalano mukhalelo wooreera ni wa nttittimiho. Munvekeleke Yehova weera oovaheeni nikhavihero na osuwela emaara muneeraanyu mweemexere omuxekura mutthu yoowo ohinoonihera ntthuno. — 1 Akor. 9:26.