Ovilela

Miruku sa mBiblyani: “Ale] khayahiya ohusiha ni onvanjelizari.” — Mit. 5:42.

Etthu Paulo aapankaawe

Murummwa Paulo alaleyaka mitthenka sooreera wa atthu eri omasomani.

EVIIDIYU: Ovilela wa Paulo wEfeso

1. Moone EVIIDIYU, naari musome Miteko 19: 8-10. Avinyaka mwaakhule makoho enttharelana:

Ninsuwela moota heeni weera Paulo aavilela vaavo aalaleeraawe mitthenka sooreera?
Paulo aarino ntthuno heeni vaavo aatthikelaawe waaxekura atthu yaawo yoonihenre ntthuno, ni eyo aapanke ikwaha ikavi?

Ntakihero na Paulo ninnixuttiha eheeni?

2. Onnatthuneya ikuru ni wiihiyera etempu weera nwere otthikela waaxekura ni opatxeriha soosoma sa Biblya sooreerela.

Mutthareke ntakihero na Paulo

3. Mpakeke matxentxo weera nwere otthikela waaxekura atthu etempu yooreerela wa yaawo. Mwiikoheke ha: etempu heeni eri yooreerela weera kaaphwanyeke atthu? Woowiini, ni etempu heeni onrowaaya okhala wookhweya otthekula ni atthu? Nnaamweera ehikhanle etempu yooreerela wa nyuwo, nto mweerereke wiilipihera weera mutthikele omuxekura mutthu owo.

4. Mwiiwananeke otthekula onttharelana. Mwamaliha otthekula, mwiiwananeke etempu yooreerela weera mutthikele mwaha anyu, mpakeke etthu eri poothe weera nwere okwanihera ele mwiiwanannaanyu.

5. Ehoomaleleni yooweherera. Muhuupuweleke weera mutthu ole khaanono ntthuno mwaha wooweera ikwaha sintxipale khamunamphwanya owannyawe naari onkhala oowaatteliwa. (1 Akor. 13:4, 7) Etempu emoha-moharu mukhaleke oolipa, nvireleleke ovilela menento nvareleke muteko etempu anyu mwa miruku. — 1 Akor. 9:26.

NWEHE-THO

Mit. 10:42; 1 Akor. 9:22, 23; 2 Akor. 4:1; Agal. 6:9