Ekampaanya espesiyaale ya Novembro ya olaleya Omwene wa Muluku

Yesu alaleya “mitthenka sooreera sa Omwene wa Muluku”. (Lk 4:43) Ni owo ahaaxuttiha atthu ovekela owa wa Omwene wa Muluku. (Mt 6:9, 10) Novembro hiyo nnoopaka ekampaanya espesiyaale weera nlaleye omwene wa Muluku. (Mt 24:14) Mwiireherere weera mukhavihere ekampaanya ela. Ootheene anrowa okhala mapiyoneiru ookhavihera mweeri wa Novembro animwaakhuleliwa ovaha iwoora 30 naari 50.

Mwiilipihere waasomela atthu amuttetthe anyu yoolepa enuuluma sa Omwene wa Muluku. Mwaathanlaka yoolepa, muupuweleke ettiini aya. Vano yoonihera osiveliwa, mwaavahe erevista ya Nwehereri N.º 2 a 2020. Avinyaka mutthikele waaxekura ni mpatxerihe waasomiha nvarelaka muteko ibuukhu siri va ikaruma sooxuttiha. Ehanle ehuhu vakhaaneene weera Omwene wa Muluku onyaanye imwene sa elapo yootheene. (Dan 2:44; 1Akor 15:24, 25) Muttottele mureerelo eparakheene yeela weera moonihere ororomeleya wanyu wa Yehova ni Omwene awe!