Mitthenka sooreera voohima sa elapo yooreera!

Mweeri wa Novembro ootheene hiyo nnookhalano eparakha yoowerela empari ekampanya yoothanleya enrowa olaleya mitthenka sooreera voohima sa elapo yooreera enaattamela. (Nsa 37:10, 11; Apok 21:3-5) Mpake eprograma weera nvare muteko mmunwerelaanyuvo mpuwa mwa ekampanya ela. Mwatthuna okala piyoneiru ookhavihera mweeri wa Novembro, pooti othanla ovaha iwoora 30 naari 50.

Yoolakelaanyu okhaleke osoma yoolepa enhima sa elapo yooreera ni mutthu. Mwaairehereraka, muupuweleke yoolepa enrowa omusivela mutthu ti mutthu munrowaanyu wuulumano. Wakhala weera mutthu ohoonihera ntthuno mwa otthekula wanyu woopatxera, munvahe Nwehereri N.º 2 a 2021. Mweerere thoni omuxekura woohipisa ni mumpatxerihe omusomiha nvarelaka muteko ebroxura Mukhaleno ekumi yoohimala! Moohihovela enrowa okhala eparakha etokweene weerela empari ekampanya ela enrowa oruha “mitthenka sooreera sa etthu yooreera.”!—Yes 52:7.

MOONELE EVIIDIYU YA ETXIPO LOGO VAI CHEGAR. AVINYAKA MPAKE MAKOHO ALA:

• Yooweherera heeni ya muhoolo mwaarusi ole onuupuwelelaawe?

• Soolaihera heeni sinrowa weereya elapo enyowani nyuwo munwehereraanyu?

• Mwaha wa heeni wuupuwelela yooweherera ya muhoolo enrowaaya wookhaviherani weerela empari ekampanya ya Novembro?—Lu 6:45