Waakhulela olakiwa ni Yehova onnoonihera nsivelo

Woomoliwa mmulokoni onnathokorora muloko ni tho onnakhavihera waalaka anamattheka ahinrukunuxa murima. (1Akor 5:6, 11) Nakhaviheraka olaka wa Yehova nnimoonihera nsivelo. Ekhaikhai weera okumihiwa mmulokoni etthu yoovoreya vantxipale, nto ovoreya iwo onaaphwanya hayi amosi ni ekomissau ya ophukela?

Opwaha mwa sootheene, naakhaviheraka olaka wa Yehova, nnimoonihera omusivela Yehova ni malamulo ootteela ovanhaawe. (1Ped 1:14-16) Hiyo-tho ninnoonihera weera ninnamusivela mutthu okumihiwe mmulokoni, mwaha weera olakiwa naamwi ovoreyaka, onnakumiha “sowima sa murettele ni sa ekhaikhai.” (Aheb 12:5, 6, 11) Olokolola ni mutthu oomolinwe mmulokoni naari iisoomonle, oonoonihera ohaakhulela olakiwa ni Yehova. Yootthuneya wuupuwela tiila: weera Yehova onnaalaka ni ‘onnattaruxa atthu awe mwa exariya’ ehuhu yootheene. (Yer 30:11) Nto nivireleleke opaka itthu soomunepani ni okhavihera olaka wa Yehova, nihiyeleelaka oweherera weera mutthu ole amutthikele onvarela muteko Yehova Tiithi ahu, onnimorela ikharari. — Yes 1:16-18; 55:7

MOONE EVIIDIYU ENEERA: MUROROMELEYEKE NI MURIMA WOTHEENE. AVINYAKA MWAAKHULE MAKOHO ALA:

• 

  Asitiithi yooneleke hayi mwanaya ahiya omwiiwelela Yehova?

• 

  Asinna a mmulokoni enaakhavihere hayi amosaawe ole okumihiwe mmulokoni?

• 

  Yoohima heeni ya mBiblyani enoonihera weera omwiiwelela wahu Yehova, okhaleke wootthuneyaxa opwaha owiiwelela amosi?

• 

  Ninrowa woonihera hayi weera omwiiwelela wahu Yehova ti wootthuneyaxa opwaha owiiwelela amosi?