MAKHALELO A MAKRISTU
Ottaruxa—Ononihera nsivelo na Yehova
Nttaruxo ninvareliwa muteko weera mutthu ahusihiwe ni alakiwe mwa exariya. Nave-tho ninnavareliwa muteko weera okooleliwe mutthu naari tho ottaruxiwa. Yehova onnanivaha nttaruxo weera nimukokhoreleke nnene. (Arom 12:1; Aheb 12:10, 11) Pooti woonaka nttaruxo okhala ntoko etthu yoonanara. Nto nno, ninnanikhavihera omusiveliha Yehova ni waakhela mareeliho awe. (Mir 10:7) Entthuneya wuupuwela eheeni mwaattaruxaka atthu akina? Mutthu onvahiwa nttaruxo, ontthuneya uupuweleke eheeni?
Mutthu waavahaka nttaruxo. Ntoko mutokweene a mmulokoni, tiithi naari mutthu mukina, onnatthuneya ovaha nttaruxo ni nsivelo amutakihaka Yehova. (Yer 46:28) Naari nttaruxo ntokotoko ninnatthuneya oveleeliwa mwa eriyari-neeriyari, nihikhale nooveyaxa naari nootepa oxupa. Nave nttaruxo niveleliweke moorweela mwa nsivelo.—Tito 1:13.
Mutthu wavahiwa nttaruxo. Ontthuneya waakhulela miruku onvahiwaawe ni opaka matxentxo antthuneya. (Mir 3:11-12) Hiyo atthu oohimalela, nto, mwaha wa yeeyo, emaara ekina nneereke otthuneya ottaruxiwa. Nttaruxo pooti orweela moohiyana-hiyana, mwa ntakihero, ninnattaruxiwa moorweela mwa ele ninsoomaahu mBiblyani naari ele nniiwaahu mmuthukhumanoni. Apaale akina, ontthuneya ottaruxiwa ni ekomisau yoophukela. Naakhulelaka nttaruxo na Yehova, nnokhalano ekumi yoohakalala vanano ni muhoolo.—Mir 10:17.
MOONELE EVIIDIYU ENEERA “YEHOVA OMMUTTARUXA OLE OMMUSIVELAAWE”. AVINYAKA MWAAKHULE MAKOHO ALA:
Munna Canon ohuuwale moota heeni, ni eheeni yeereñye vahoolo vaya?
Nikhavihero heeni munna Canon akhenlaawe weera atthikele omukokhorela Yehova?
Nyuwo pooti oxuttera osivela nttaruxo na Yehova!
Muxuttenre eheeni ni yookumanano ya munna Canon?