Muxuttiheke mooreerela murima

Olokolola mooreerela murima onnaasivela ale anniiwa. Naalokolelaka mooreerela murima, atthu ennawiriyana ele ninlokolelaahu. Olokolola moota nno, ninnawoonihera atthu weera ninnaroromela ele ninlokolelaahu. Atthu ootheene hiyo nnoowera olokolola mooreerela murima, moohipwattha makhalelo ahu naari tho omutthu ahu. (Arom 12:11) Moota heeni?

Yoopatxera, muupuwele moota masu ahu araaya ootepa otthuneya. Nyuwo mookhalano eparakha yoolaleya “mitthenka sooreera sa itthu sooreera”! (Arom 10:15) Yanaaveli, muupuwele moota mitthenka sooreera sinrowaaya waakhavihera atthu okhalano ekumi yooreera. Muhittuwale weera atthu entthuneya wiiwa mitthenka ninlaleyaahu. (Arom 10:13, 14) Ni yoomalihera, mwaarowaka waalaleera atthu, nvariheleke muteko nnene matata ni ethoni anyu.

MOONELE EVIIDIYU ENEERA MUHAKALALEKE MWAAPAKAKA ATTHARELI—MUREHEREREKE MIKHALELO SANYU—MUREERELEKE MURIMA. AVINYAKA MWAAKHULE MAKOHO ALA:

• 

  Heeni Sara akhulumunwaawe ni yoosoma ya Jade?

• 

  Eheeni yaamukhavihenre Sara otthikela omusivela yoosoma ya Jade?

• 

  Wa moonelo anyu, heeni ontthuneyaaya owehexexa mikhalelo sooreera sa ale nnalaleeraahu?

• Enrowa okhumelela eheeni naalokolelaka mooreerela murima mmutekoni moolaleera ni tho naaxuttihaka atthu Biblya?