MAKHALELO A MAKRISTU

Nvarihele muteko ebroxura ni ebuukhu Mukhaleno ekumi yoohimala!

Etthu yootepa oreera okhalano ebroxura ni ebuukhu enyowani weera nipakiheke soosoma sa Biblya! Moohihovela ninnapaka mavekelo weera Yehova areelihe wiilipiherawahu woowaapaka atthareli. (Mt 28:18-20; 1Akor 3:6-9) Nto nnaavarele hayi muteko ikaruma iya inyowani?

Moota woomusoma Biblya nivarihelaka muteko ebroxura ni ebuukhu Mukhaleno ekumi yoohimala! onrowa okhala woovirika ni mwemmwe nakhovelenlaahu. Miruku sinttharela sinimookhaviherani nyuwo wiireherera ni opakiha yoosoma ya Biblya.a

Musomeke iparagrafo sootheene ni nvariheleke muteko makoho weera mutthekuleno nnamasomaanyu voohima sa mwaha munsomaanyu
Musomeke vamoha nnamasomaanyu soolepa siri ha “mmusome”, ni mmukhavihere wiiwexexa moota soolepa iyo sinvarihanaaya ni mwaha munsomaanyu
Mmooonihereke iviidiyu ni nvareleke muteko makoho weera mutthekule ni nyaha sa nviidiyuni mmanlaanyu woonela
Mwiilipihereke weera musomeke muru wootheene kata ekwaha munsomaanyu

Mmutekoni woolaleera, etthu yoopatxera nvaheke ebroxura weera moonelele wakhala weera mutthu owo, onnatthuna osoma. (Nwehe ekwaatru “moota woovaha ebroxura Mukhaleno ekumi yoohimala! Va otthekula woopatxera” va epaxina 16.) Wakhala weera moomaliha osoma ebroxura yootheene ni namasomaanyu anatthuna ovirelela osoma, munvahe ebuukhu ni nvireleleke osoma muru 4. Wakhala weera munsoma nvarelaka muteko ebuukhu Biblya onxuttiha eheeni? naari ebuukhu Muhihiye Onphenta Muluku? Mutxentxanihe ni ebuukhu Mukhaleno ekumi yoohimala! Nyuwo khamuntthuneya opatxera muru woopatxera. Mutthanleke muru onvarihani ni okelawawe vahoolo namasomaanyu ni mpatxereke osoma vaavo.

Ntheli nimoharu ninno,nlelo nivarihelaka muteko ebroxura emohamoharu yeewo “Mukhaleno ekumi yoohimala” weera epatxerihe yoosoma ya Biblya ni mulophana mmoha.

MOONELE EVIIDIYU ENEERA: MUNNAAKHELIWA WA OHULELA YOOSOMANYU YA BIBLYA, AVINYAKA MWAAKHULE MAKOHO ALA:

Anamasoma a Biblya ankela oxuttera eheeni ni ebuukhu ela enyowani?
Heeni oraaya wootthuneya owoonihera anamasomaahu a Biblya eviidiyu ela?
Mipika heeni nyuwo mukhanlaanyu oowaakhavihera anamasomanyu okhalano ni owera okwanihera?—“Mpika wa yoosoma”

a ENOOTA: Nyuwo pooti othanla wakhala weera munoovarihela muteko empari eneera “Weera musuwele itthu sintxipale” Naamwi vareene hiiho, emaara munirehereraanyu weera mwapakihe yoosoma, mwiivahe ehuhu weera musome nyaha ni mooneleke iviidiyu simphwanyeya empari ela. Mwapaka eyo, onimookhweelani osuwela wakhala weera nyaha simphwanye empari ela sinoomukhavihera namasomaanyu. Ebuukhu eletroniku yookhalano alink a iviidiyu ni nyaha mikina.

Mikwasu Sa Empari Ya Ebuukhu
	YOOSOMA	NYUWO MUNKELA	MIPIKA SA NAMASOMA
1	01-12	Woonelela moota Biblya okhanlaawe oowookhaviherani ni moota nyuwo munkelaanyu oomusuwela muneene Biblya	Woona ele Muluku onnipakelaawe ni ele nikhanlaahu oopaka weera aakhulele okokhorela wahu
2	13-33	Muxuttere ele nikhanlaahu oopaka weera nimusivelihe Muluku	Nwehe moota woovirelela okhala moosivelani mwa Muluku
3	34-47	Mmooperere namasoma anyu omusoma Biblya, wiireherera muhinaaye opatxera yoosoma ni opatxera woonela mithukumano	Mmooperere namasoma wuuluma ikhaikhai sa mBiblyani ni atthu akina ni weera akhale namalaleera
4	48-60	Mmooperere namasoma okhalano yoolakela ya wiiveleela wa Yehova ni weera aBitiziwa	Mmukhavihere namasoma woonelela itthu Yehova onaakhulelaawe ni ohinaakhulelaawe ni-tho okela vahoolo moomunepani