Moota heeni woopakiha yoosoma nvarihelaka muteko eliivuru Mukhaleno ekumi yoohimala!

Muhinaaye opatxeriha yoosoma

1. 

   1. Mwiireherereke nnene. Mwaairehereraka muupuweleleke itthu namasomaanyu a Biblya ontthunaawe, onvirihaawe, ni moonelo awe. Mweerere woona ipontu heeni apaale onoonaawe oxupa wiiwexexa naari ovarela muteko. Muupuweleke epaarte eneera “Weera muxuttere itthu sintxipale” pooti omukhavihera namasomaanyu. Mukhaleke oolikaneene weera nvarihele muteko epaarte ela mpuwa mwa yoosoma ni yootthunaawe.

Mpuwa mwa yoosoma

1. 2. Mpatxeriheke ni mmalihereke nnivekelo wakhala weera namasomaanyu ohaakhulela.

2. 

   3. Mwiikosoopeke weera muhuulumeke vantxipale. Nwehexexeke itthu munsomaanyu ni mmuhiyeke namasomaanyu wuuluma moovareleleya.

3. 4. Mwaapatxerihaka iparte ixexe sootthuneya sa eliivuru, musomeke efrase munkelaanyu woona, ni muhime itiitulu ikina sa yoosoma munkelaanyu woona.

4. 5. Mwaamalihaka yoosoma emoha ya muliivuruni, nvariheleke muteko eparte ya wuuluula, weera mmukhavihere namasomaanyu wuupuwelela ikhaikhai iye aasommaawe.

5. 6. Mwaamuxuttihaka namasomaanyu a Biblya:

   1. Musomeke iparagrafu soothesene muhinaaye ophiya eparte eneera weera muxuttere sintxipale.

   2. Musomeke soolepa soothesene sa mBiblyani seiyo silempwale “mmusome.”

   3. Musomeke soolepa ikina siri va paragrafuni wakhala weera sinnatthuneya.

   4. 

      Murumihe iviidiyu soothesene, seiyo silempwale “moone” eviidiyu (wakhala weera nyuwo mookhalano).

   5. Mpakeke makoho ootheene wa namasomaanyu.

   6. Mmoonihere efootu eri va “Weera muxuttere sintxipale” ni munvekele weera akomentari woohima sa efootu eyo.

   7. Nvarihele muteko equaadru eneera “Mpika” weera emukhavihere namasomaanyu a Biblya moota owo oneeraawe unnuwihereke mukhalelo awe woomunepani. Nyuwo pooti omulipiha owo weera akwanihereke sooluluwanya siri vaavo naari sooluluwanya ikina naari soopiili.

   8. Mmukoheke namasomaanyu a Biblya vaavo anrehereraawe yoosoma, yaamusivenleene eparte emoha naari eviidiyu ya eparte eneera weera “Musuwele itthu sintxipale.”

   9. Ekwaha eri poothe mweerereke omaliha yoosoma emoha.

Mwamaliha yoosoma

1. 

   7. Nvireleleke omuupuwelela namasomaanyu. Munvekeleke Yehova weera areelihe wiilipihera wawe, nvekeleke miruku weera nwere omukhavihera mooreerela.