Mmukhavihere ole munimusomiha anyu Biblya—Okhala oowaathanla asinthamwene

Weera anamasoma a Biblya ekhaleno onthamwene ni Yehova, ontthuneya weera awo ekhaleke oowaathanla nnene asinthamwene aya. (Nsa 15:1, 4) Asinthamwene ammusivela Yehova, pooti omukhavihera namasoma a Biblya opaka itthu seiye siri sooreera va maithoni va Yehova.—Mir 13:20; Seja Feliz para Sempre! lição 48. [Mukhaleno ekumi yoohimala! yoosoma 48]

Mene muupuweleke weera khavanrowa okhala vookweeya namasomaanyu waahiya asinthamwene awe aaraaweno mulaponi. Nto mwaha wa yeeyo, owo aneereke ohaawela nikhavihero nanyu. Mmoonihere weera vano, nyuwo nthamwane anyu, moota woopaka eyo, ori opaka ele munweraanyu esemana yootheene, mmulikarelaka, mmwinviyarekelaka emensagem naari murowaka omuxekura owannyawe. Moona vale weera owo onnarowa vahoolo mmoomunepani, nyuwo pooti onwopa owo weera mwatthekule vamoha ni asinna. Mwapaka eyo, ohiya owo wuupuwela weera apatxerakaru omusoma Biblya ohayelela asinthamwene awe, onrowa wuupuwelaka weera vano, ookhalano emusi ya asinna. (Mk 10:29, 30) Nyuwo munoorowa ophwanyaha ohakalala mmutekoni woolaleera mwaha woosuwela weera moomukhavihera mutthu weerela mpari ya emusi ya Yehova eyo tiiyo mareherero a Yehova.

MOONELE EVIIDIYU ENEERA: MMUKHAVIHERE OLE MUNIMUSOMIHA ANYU BIBLYA—OKHALA OOWAATHANLA ASINTHAMWENE. AVINYAKA MWAAKHULE MAKOHO ALA:

• Yahimmaka masu oweera onthamwene woonanara ehimmwa taani?—1Akor 15:33

• Emaara Sara ahimmaaiye weera awosa yannatthekula vamoha na asina, etthu eheeni yaamurwenle Jade mmuupuweloni?

• Sara aapanke eheeni weera amukhavihere Jade okhalano asinthamwene ooreera?