Mmukhavihere ole munimusomiha anyu Biblya munnuwihe omutthu anyu vamaithoni va Yehova

Yehova onntthuna weera atthu envarela muteko ni nsivelo. (Mt 22:37, 38) Ori omusivelawaya Yehova oneera waakhavihere anamasomaahu owera opaka matxentxo mweekumini mwaya, ni ovilela yaakumanakano ni maxupo. (1Yoh 5:3) Nsivelo eraayano ni Muluku ninrowa oweeriha wiivaherera wa Yehova ni oBatiziwa.

Mmukhavihere namasomaanyu aBiblya woona nsivelo na Yehova mweekumini mwawe. Mmukoheke ha: “Etthu ela enooxuttihani eheeni voohima sa Yehova? Eyo enoonihera hayi weera Yehova onnoosivelani nyuwo?” Mmukhavihere namasomaanyu oweha moota Yehova ommooniheraawe nsivelo owo. (2Sow 16:9) Mmuleele namasomaanyu a Biblya moota Yehova aakhunlaawe mavekelo anyu nave mmooperere namasomaanyu owo oweha moota Yehova onaakhulaawe mavekelo awe. Wakhala weera namasomaahu a Biblya onnasiveliwa ni Yehova, ni onnatthuna okhala nthamwene awe. Hiyo ninnakhala oohakalala vantxipale ni muteko ahu woolaleera.

MOONELE EVIIDIYU ENERA: MMUKHAVIHERE OLE MUNIMUSOMIHA ANYU BIBLYA MUNNUWIHE OMUTTHU ANYU VAMAITHONI VA YEHOVA, AVINYAKA MWAAKHULE MAKOHO ALA:

• 

  Maxupo heeni aakhumannaaweno Jade?

• 

  Miruku heeni Sara anvanhaawe Jade?

• 

  Moota heeni Jade aawenraawe oviriha maxupo awe?