Moota heeni ninkelaahu ovarihela muteko iviidiyu sinhima sa yoosoma ya Biblya

Nookhalano iviidiyu 4 sinhima ya yoosoma ya Biblya nintthuneya ahu ovarela mmutekoni woolaleera. Eviidiyu eri poothe envareleya hayi muteko?

• 

  Mwaha wa heeni ontthuneyaaya omusoma Biblya?—Yookwanela epakinwe weera eweeriheke atthu okhalano ntthuno noomusoma Biblya, ehipwatthaka yaarinoneene ettiini. Nave ennawooperera atthu waasaasa waakhuliwa wa makoho ootthuneya a mweekumini. Mwa ntakihero, Biblya onnaakhula makoho moowiiwanyeya ni eviidiyu ennoonihera moota woovekela yoosoma ya Biblya.

• 

  Mwaha wa heeni ontthuneyaaya omusoma Biblya? (empari) ennalikana ni eviidiyu yoopatxera, nto evirikanne vakhaani, mwaha wooweera ela pooti otthekulano mutthu orinono etempu vakhaaneene.

• 

  Omuuxuttera Biblya ti heeni? eviidiyu ela, epakinwe weera eweeriheke atthu okhalano ntthuno na omusoma Biblya woohiliva etthu. Nave eyo tho, ennaakhula makoho, ohela mpuwa moota woovekela yoosoma ya Biblya.

• 

  Munnaakheliwa wa ohulela yoosomanyu ya Biblya eviidiyu ela, epakinwe weera yooniheriweke ale enpatxera omusoma Biblya. Eviidiyu enphwanyeya va epaaxina 2 ya eliivuru Mukhaleno ekumi yoohimala!, nave tho pooti ovareliwa muteko vaavo envareliwaaya ebroxura Mukhaleno ekumi yoohimala!. Eviidiyu ela ennahima itthu sinrowa othokororiwa mwa eliivuru ela.

Nnaamweera iviidiyu iyo sireeneno sootthuna soovirikana, hiyo pooti woonihera naari owinviyarela atthu, moovarihana ni makhalelo aya. Anamalaleera ennoopereriwa osuwela nnene iviidiyu iya ni ovarihela muteko woolaleerani.