Nvariheleke muteko epaaxina yoopatxera ya va JW.ORG mmutekoni moolaleera

Epaaxina yoopatxera ya esite ahu, ennoonihera iliivuru ni iviidiyu,seiyo simpakiwa weera saavare murima atthu yaale ehiri Anamoona a Yehova. (Mit 13:48) epaxina eyo ennakumihera nyaha siri mwa soohimmwa naari iye sinuulummwa ni atthu.

Moota heeni muneeraanyu nvariheleke muteko epaaxina yoopatxera ya jw.org mmutekoni moolaleera?

• Ikwaha sootheene muxekureke esaiti ahu. Musomeke moomaaleleya iliivuru sahu ni muupuwele moota muneeraanyu nvarele muteko weera mmukhavihere mutthu ontthuna osuwela itthu sintxipale. (Weera mpwanye iliivuru sinvareliwa muteko veeli-veeli va epaaxina yoopatxera, muttapunye nipuro nneera “saiba mais.”) Ovolowa mahiku ootheene osite onimookhaviherani okhalano mooneelo ni miruku minyowani sa moota woolaleera.

• Nvarihele muteko iliivuru ni iviidiyu seiyo sinvariheliwa muteko veeli-veeli weera mpatxerihe otthekula ni mutthu. Nyaha ninrowaahu ophwanya mu iliivuru naari nviidiyuni mmwe sinoonikhavihera okhalano miruku woohima sa ele enuupuwelaaya atthu a mmuttettheni mwahu.

• Nwoonihereke atthu epaaxina yoopatxera. Mmoonihere mutthu owo nyaha sooreera ni mmuxuttihe moota woovolowa va esite.

• Mwaavahe akina elink. Atthu akina khonaasivela otthekula ethoni ni ethoni ni Anamoona a Yehova, mene eri oolikaneene weera exekure esite ahu. Nto, muhihiye waarumihela elink atthu ale entthuna osuwela sintxipale weera ephwanye iliivuru ni iviidiyu simphwanyeya va epaaxina yoopaxera.