Nikhavihero Na Moota Woosoma

Mphwanye mihakhu soomunepani woohima sa Yehova

Emaara nimmusomaahu Biblya, ninnavarihela ikaruma sintxipale weera niiwexexe ele ninsomaahu. Mene khanintthuneya paahi waatxeerera omusuwela wahu Biblya. Mene nto nintthuneya ophwanya mihakhu soomunepani woohima sa mikhalelo sa Yehova seiyo sinrowa waatxeerera nsivelo nahu. Weera nipake eyo ontthuneya wiipakela makoho ala: ‘Yoolepa ela enkixuttiha eheeni woohima sa Yehova?’

Mwa ntakihero, nyuwo pooti waasaasa itthu sinoonihera weera Yehova ookhalano mikhalelo wa nsivelo, osuwela, exariya ni owera, mene nto Yehova ookhalano mikhalelo sintxipale opwaha iya. Ni ikina sa seiyo sinnantikiniha. Vano munkela ophwanya woowi woohima sa mikhalelo iyo?

Va Índice das Publicações da Torre de Vigia,nyuwo pooti ophwanya eliista sa mikhalelo sa Yehova soophiyaka 50. Iyo siri va eparte elempwale mwaha “Jeová” vathi va muru “Lista de qualidades.” (Nyuwo tho pooti ophwanya eliista ntoko ela va Eliivuru Enaakhaliherya Anamoona a Yehova Otokosa Myaha Sikumiheriwe va mwaha “Yehova Muluku” vathi va muru mwaamukhaani “Mikhalelo sa Yehova.”)