YOOSOMA 34
Ninkela woonihera hayi weera ninnamusivela Yehova?
Neereke munnoona omwaattamela Muluku vaavo mpatxenraanyu omusoma Biblya? Neereke munnatthuna ovirelela olipiha onthamwene anyu ni Yehova? Mwa yeeyo, muupuweleke weera wakhala weera nsivelo nanyu wa Yehova nnimwaatxeerereya aneereke woosivelani ni wookosoopani. Munrowa woonihera hayi weera munnamusivela Yehova?
1. Ninrowa woonihera hayi weera ninnamusivela Yehova?
Naamwiiwelelaka vale Yehova ninnoonihera weera ninnamusivela yoowo. (Mmusome 1 Yohani 5:3.) Owo khammunyeserera mutthu weera amwiiwelele, mene nto onnanihiya nthanlaka mwaneenaahu waari weera nneereke omwiiwelela naari hooye. Mwaha wa heeni? Mwaha wooweera Yehova ontthunaawe weera ‘nimwiiweleleke ni murima wootheene.’ (Aroma 6:17) Etthu ekina owo ontthuna weera nimwiiweleleke ni murima wootheene, ohiya moonyesereriwa. Impari 3 ni 4 sa liivuru ene yoola sinkela wookhaviherani moota munkelaanyu omoonihera nsivelo Yehova ni opaka itthu simmusivela.
2. Mwaha wa heeni oraaya woovila omoonihera nsivelo Yehova?
“Sovalavela sa mulipa oloka khasirere.” (Nsalmu 34:19) Ootheene hiyo ninnawanela ohimalela wahu pooti weera ninviriha maxupo oothowa musukhu, ni maxupo makina. Onnavila opaka ele Yehova onnivekelaawe. Eyo enneereya mwaha wooweera emaara eyo pooti woonaka opaka etthu yoonanara. Mene nto, vaavo nyuwo muniilipiheraanyu ororomeleya wa Yehova ni omwiiwelela, nyuwo munnoonihera weera munnamusivela opwaha itthu sootheene. Wakhala weera nyuwo munnoonihera ororomeleya, owo tho onimoororomelani. Ni khanrowa woonyanyalani.—Musome Nsalmu 4:3.
WEERA MUXUTTERE SINTXIPALE
Moone mwaha wa heeni Yehova onttittimihaawe wiiwelela wanyu ni eheeni enkela wookhaviherani ororomeleya wa yoowo.
3. Yooweerera enlikana ni yawinyu
Mbiblyani eliivuru ya Yobi, hiyo ninnasoma weera Satana aamoothera Yobi ni-tho, onnawoothera atthu ootheene olelo va antthuna onvarela muteko Yehova. Mmusome Yobi 1:1, 6–2:10. Avinyaka mutthekule ni ipontu sinttharelana:
Moovarihana ni moonelo wa Satana, mwaha wa heeni Yobi aamwiiwelelaawe Muluku?—Mmoone Yobi 1:9-11.
Eheeni Satana aahimmaawe wa atthu ootheene woohelani mpuwa nyuwo?—Mmoone Yobi 2:4.
Mmusome Yobi 27:5b. Avinyaka mutthekule ni epontu enttharelana:
Moota heeni Yobi oonihenraawe weera annamusivela Yehova mweekhaikhai?
Vaavo Yobi aaroromeleñyaawe aahoonihera weera annamusivela Yehova
Hiyo-tho ninnoonihera weera ninnamusivela Yehova vaavo ninroromeleyaahu wa yoowo
4. Muhakalalihe murima wa Yehova
Musome Miruku 27:11. Avinyaka mutthekule ni epontu enttharelana:
Yehova onoonela hayi vaavo mumwiwelelaanyu? Mwaha wa heeni?
5. Nyuwo pooti okhala oororomeleya wa Yehova
Hiyo ninnamusivela Yehova eyo ennaneeriha weera naalaleereke atthu akina voohima sa yoowo. Mwaha wootthuna okhala oororomeleya wa Yehova, nneereke omwiiwelela nnamweera opaka eyo ohikhweyaka. Moone EVIIDIYU. Avinyaka mutthekule ni ipontu sinttharelana.
Munnoona weera tiwooxupa waaleela atthu akina woohima sa Yehova?
Nviidiyuni eheeni emukhavihenre Cláudio owina woova?
Tivookhweya ovirelela okhala oororomeleya wa Yehova wakhala weera sinnoonsivelani itthu owo simmusivela ni sinnoonanarani itthu owo sinamunanara. Musome Nsalmu 97:10. Avinyaka mutthekule ni ipontu sinttharelana:
Muupuwelelaka ele muxuttenraanyu, itthu heeni Yehova simmusivela ni simmunanara?
Moota heeni muneeraanyu muxuttere wiitta itthu soonanara ni osiveliwa ni itthu sooreera?
6. Omwiiwelela Yehova etthu yootepa oreera
Omwiiwelela Yehova etthu yootepa oreera ni etthu nintthuneyaahu opaka. Mmusome Yesaya 48:17, 18. Avinyaka mutthekule ni ipontu sinttharelana:
Nyuwo munoona weera Yehova oosuwela etthu yooreera wa hiyo? Mwaha wa heeni?
Moota heeni itthu muxuttenraanyu sa mBiblyani voohima sa Yehova sinkelaaya wookhaviherani vaanaano va?
ATTHU AKINA ANEERA: “Muluku khampwattha itthu kimpakaka naari iye kinhiyaaka opaka.”
Yoolepa heeni ya mBiblyani mweeraanyu nvarele muteko weera moonihere weera soopaka sahu pooti omuhakalaliha Yehova?
NYAHA SOOTTHUNEYA
Nyuwo pooti woonihera weera munnamusivela Yehova mmuroromelaka ni mmwiiwelelaka nnaamweera nvirihaka maxupo.
Wuuluula
Muxuttenre heeni ni ntakihero na Yobi?
Munoonihere hayi weera munnamusivela Yehova?
Eheeni enkela wookhaviherani okhala oororomeleya wa Yehova?
WEERA MUSUWELE ITTHU SINTXIPALE
Moota heeni muneeraanyu muroromeleyeke wa Yehova ni mmulokoni.
“Yehova toororomeleya wa yaale anroromeleya wa yoowo” (16:49)
Muxuttere woohima sa yowootha Satana onwoothenraaweni ni onwoothenraawe atthu ootheene.
“Yobi khahiñye okhala oororomeleya” (Biblya—Mutthenka heeni? esesau 6)
Moone moota anamwane eneeraaya yoonihereke weera annamusivela Yehova.
Moota heeni mmiravo aneeraawe avirelele okhala oororomeleya wa Muluku vaavo onyesereriwaawe ni asikhwaawe?