Isaalimu

85 Nyuwo Yehova, muhaareerela murima atthu a mulaponi mwanyu;+

Muhaattikiha atthu a Yakobe, yaawo yaaroihiwe weepotthani.+

 2 Muhaalevelela atthu anyu itampi saya;

Muhaalevelela* itampi saya sootheene.+ (Selahi)

 3 Moottikiha onanariwa wanyu;

Moohiya onanariwa wanyu vanceene.+

 4 Mutthikele-tho onaakhela,* nyuwo Muluku onnoopola,

Mpwehe ottaiwene, onanariwa wanyu ni hiyo.+

 6 Niireke khamuntthikela-tho onilipiha,

Wiira hiyo, atthu anyu, nitteeliweke murima ni nyuwo?+

 7 Khoo Yehova, munooniherye ophenta wanyu woororomeleya,+

Nave munoopole.

 8 Kinimwiiwa etthu onrowa awe ohimya Yehova, Muluku eekeekhai,

Okhala wiira onoolavula moolumo a murettele ni nloko nawe, ni atthu awe+ oororomeleya,

Masi awo ahitthikele otepa wiiroromela.+

 9 Mweekeekhai, onoowoopola atthu animoova,+

Wiira ovuwa wawe okhaleke mulaponi mwahu.

10 Ophenta* ni ororomeleya, sinookumana;

Exariya ni murettele, sinimweetta vamosa.+

11 Ororomeleya onoomela mulaponi,

Eri ene wiirimu, exariya enoowehaka vathi.+

12 Aayo, Yehova onoonivaha itthu sooreera,+

Nave elapo enooruwerya mihokorokho saya.+

13 Exariya enimweettaka ohoolo wawe,+

Nave enoopaka ephiro wiira ovireke.