Nyuwo Munreerela Wiira Exeeni?
50 Munniphavela okhala mahiku otheene mparayiisu ola ooreera?
Nto, mwiixutte enihimya Muluku. Muphavelase wiixutta omusoma Biibiliya.—Yohani 17:3; Wisupulula 1:3.
51 Mwiixutte sikina sa Yesu.—Otumererya 18:18, 19; Yohani 3:16; Miteko 3:19-23.
52 Muphavelase wiira sooloka ni omwiiwelela Yehova.—aRoma 6:17, 18, 22.
53 Mupuweleke wira Yehova onihimya wi nihimw’ive mutthu.—Okhuma 20:13; 1 Yohani 3:11, 12.
54 Nihiikuxeryeke itthu saaxineene.—Okhuma 20:15; aEfeso 4:28.
55 Mulopwana ohikhaleke ni muthiyana aahiiso orupana, ahikhanle amwaarawe.—Okhuma 20:14, 17; 1 aTesalonika 4:3.
56 Munnupuwela, athiyana akavi Muluku anvan’hawe mulopwana? Mulopwana aarowa okhalaka ni amwaarawe mpakha silini?—Maphattuwelo 2:22, 24; Mateyo 19:5, 6; 1 aKorinto 7:2, 10, 11.
57 Mupuweleke-tho wira nihaana omukokhorela Yehova paahi.—Mateyo 4:10; 1 aKorinto 8:6.
58 Amuluku eethiru ni ilatarato khisinwerya onikhaliherya. Nthowa xeeni?—1 aKorinto 8:4.
Vanniloka okhalana amuluku eethieru?—Otumererya 27:15; 1 Yohani 5:21.
59 Nthowa xeeni vankhalaaya vootakhala okhalana ihirisi aahiiso olowa?—Otumererya 18:10-13; Wisupulula 21:8.
60 Malaikha ootakhala aahiiso minepa sootakhala sahimurukunuwela Muluku. Awo annavarihela muteko anahako wira yaathweleliheke apinaatamu.—Miteko 16:16.
61 Nihaana ovekelaka wa Muluku. Nivekelo nintaphulela olavula ni Muluku, nimuleelaka wira nimphavela omurumeela yoowo ni ovekela nikhaliheryo.—aFilipi 4:6, 7.
62 Nihaana omwiiwelela Yesu ni omuroromela yoowo.—aHeberi 5:9; Yohani 3:16.
63 Mupuweleke wira owo oonikhwela hiyo wira onoopole.—aRoma 5:8.
64 Mupuweleke wira Yesu Mwene ahu oohooneya. Nihaana omwiiwelela yoowo.—aFilipi 2:9-11; Wisupulula 19:16.
65 Yesu aahimmye wira muhaana waleela akina itthu sooloka muniixutta anyu ni ale amphavela omurumeela Muluku ahaana obatisiwa.—Mateyo 28:19, 20; Yohani 4:7-15.
66 Vanonto, nyuwo muhaana waleelaka apatthani anyu itthu iya sooloka.—Mateyo 10:32.
67 Mwiixutta osoma saana, munoowerya osuwela itthu sinceene ni waakhaliherya saana akina.—2 Timoteyo 2:15.
68 Yesu aahiwiixuttiha-tho anamwane omwiiwelela Muluku. Owo kaakhala owaattelexiwa ni miteko kihinawerya olavula ni anamwane.—Mateyo 19:13-15.
69 Axith’ithi ahaana owiixuttiha anamwane omwiiwelela Muluku ni omphenta.—Otumererya 6:6, 7; Miruku 6:20-22; aEfeso 6:4.
70 Sookhala itiini sinceene soovirikana. Sowiixuttiha saya sinceene kahiyo sa Biibiliya. Yehova onniruma wira nikhume mu itiini sihiniixuttiha ekeekhai.—Wisupulula 18:4; Yohani 4:23, 24.
71 Yehova ookhalana veelaponi ya vathii, atthu anihala owiixuttihani sa yoowo. Munnasuwela panii yaala?—Miteko 15:14; aRoma 10:14, 15.
72 Aniihaniwa okhala Anamoona a Yehova. Aakhalana murettele eriyari aya. Munnisuwela mathowa aya? Nthowa noowi anniphentana mukina ni mukhw’awe.—Yesaya 43:10-12; Yohani 13:34, 35.
73 Nthowa nikina ti noowi annimphenta Yehova ni aabatisiwa. Ti siso anooniherya aya vanlakani vene wira aahiya mukhalelo wa okumi woonanara ni wi aniphavela ovarihela muteko okumi aya mwa omurumeela Muluku.—Miteko 2:41.
74 Anamoona a Yehova anniwehererya okhala ni okumi mweelapo esyaa yooreera mparayiisu.—Esalimo 37:9-11, 29.
Muntthuna wiira exeeni nyuwo mwaariki mukhale vale n’awo?—Yakobo 1:22, 25; 2:20-26.
75 Khalani vamosaa n’awo wira mwiixutte omurumeela Yehova. Awosa annimphenta ni omwiiwelela Yehova ni Kristu Yesu. Nyuwo munn’aphentasa? Mwaniphavela waakhaliherya akina omusuwela Muluku?—Yohani 6:45-47.
76 Yehova ni Kristu Yesu annophentani nyuwo ni aniphavela wira mukhale mahiku otheene mparayiisu.—Yohani 3:16.
Yeele nyuwo mwiixuntt’anyu mooweha ilatarato ni soohimya sa ebroxura ela mwekeekhai yoowirihani ophavela okhala ni okumi wa mahiku otheene veelaponi ya vathii. Mwaaphavelaka osuwela sikina sa yeeyo, vanreerela wi mulavule ni mmosaa a’Anamoona a Yehova a mapuro ankhala anyu. Aahiiso mulepe, kuhiya vo munvekele mukina wira olepele, eskiritorio yookhuveela nipuro ninkhala anyu, moovarihana ni elista ya iphiro iniphwanyaneya epaaxina ya nenli ya ebroxura ela.