Nireke Wira Muluku Onimwaapwetexa-tho Atthu Ootakhala?

22 Olelo, aakhala-tho atthu ootakhala murima. Itthu xeeni sootakhala muniweha anyu sipakiwaka-va?

23 Akina aniwiiva akhw’aya. Masi Muluku onihimya wira muhiireke yeeyo.—Okhuma 20:13; 1 Yohani 3:11, 12.

24 Akina anniiya. Muluku onihimya wira muhiiye.—Okhuma 20:15; aEfeso 4:28.

25 Aakhala alopwana anaathela athiyana anceene. Akina annikhala ni athiyana anli aahiiso ovikana-vo mu ipa soohiyana. Akina, mulopwana ni muthiyana annikhala vamosaa ahithelanne. Sotheene iyo siri soovirikana ni ele enihimya Biibiliya.—Mateyo 19:4-6; 1 aKorinto 7:1-4; 1 Timoteyo 3:1, 2.

26 Munnupuwela wira Muluku aawunnyale Adamu muthiyana mmosaa paahi?—Maphattuwelo 2:22, 24.

27 Akina anakokhorela amuluku a ethiru. Masi Muluku onihimya wira muhaakokhorelee amuluku a ethiru aahiiso ilatarato.—Okhuma 20:4, 5; Yesaya 44:9-17; 1 Yohani 5:21.

28 Yehova onimwaapwetexa atthu ootakhala ahimphavela ottharuwa.—Esalimo 37:9, 10; Luka 13:5; 1 aKorinto 6:9, 10.