Yoosoma 14

Apatthani A Muluku Annisyaka Etthu Yoonanara

Satana onniweeha atthu wira apakeke itthu soonanara. Oniphavela okhala mpatthani a Yehova Muluku, ohaana onyokhaka ele Owo eninyokh’awe. (Esalimo 97:10) Iya sinttharelana itthu seiye apatthani a Muluku anisyak’aya:

Soottheka soorupihana. “Ohiraruwé.” (Okhuma 20:14) Orupihana ohinatthi othelana nave-tho yoottheka.—1 aKorinto 6:18.

Ohapaliwa. ‘Anamuhapaliwa khanrowa okela momweneni mwa Muluku.’—1 aKorinto 6:10.

Wiiva, oyiiha erukulu. “Ohimwivé mutthu.”—Okhuma 20:13.

Wiiya. “Ohĩyé.”—Okhuma 20:15.

Wootha. Yehova onninyokha “nlumi nowotha”.—Miruku 6:17.

Otakhala ni osareya owali. “Yehova . . . mwekeekhai onnimunyokha ole omphenta itthu sootakhala.” (Esalimo 11:5, NM) ‘Miteko sa erutthu [inihela muhina] . . . osareya owali.’—aGalasia 5:19, 20.

Axuuku oohiloka. ‘[Muttharuwe] wataana ni mutthu . . . nanrima.’—1 aKorinto 5:11.

Onyokhana wa nikhuli aahiiso wa nloko. “Mwaphenteke awanan’inyu. Mwavekeleleke ale anolupatthani.”—Matheyo 5:43, 44.

Ennileela Muluku erii yooreera wa hiyo. Khivankweya osyaka wiira soonanara. Nnikhaliheryo na Yehova ni n’Anamoona awe, nyuwo munoowerya osyaka wiira ele ehimmuhakalaliha Muluku.—Yesaya 48:17; aFilipi 4:13; aHéberi 10:24, 25.