Moota Woorumeela Elivirinyu Ela

Ipaaxina sinittharelana, munoophwanya yoolepa ya nihiku ni ekomentaario aya. Nnaamwi khula mutthu othanlaka osoma yoolepa ni ekomentaario okathi oniphavela awe, anamunceene annisiveliwa othokorerya voosiisu. Nto opaka eyo onnaakhaliherya wuupuwelela yoolepa ni ekomentaario eyo nihiku nootheene. Othokorerya yoolepa ni emusi yootheene, etthu yooreera. Imusi sa oBeteli olumwenku wootheene sinnithokorerya yoolepa ya nihiku okathi wa yoolya ya voosiisu.

Ikomentaario sikumihiwe erevista Owehaweha (w) Abril 2022 mpakha Março 2023. Mammeru ari ohoolo wa mweeri wa Owehaweha, antaphulela epaaxina (aahiiso ipaaxina), nuumala-vo, mammeru anittharelana anitaphulela ittima sa Owehaweha ekumihiwe aya ekomentaario eyo. (Nwehe nlikanyiho vathi-vo.) Soohimmwa sikina pooti ophwanyiwa erevista Owehaweha okumihiwa aya mwaha owo.