MAKOHO AAKHULIWE MBIIBILIYANI

Niireke vanniweryaneya osuwela saana ele Biibiliya enihimya awe?

Biibiliya ori Nuulumo na Muluku. Ori ntoko epaphelo ya tiithi oopenta. (2 Timótheyo 3:16) MBiibiliyani, Muluku onninleela moota woomuhakalaliha; ni nthowa naya onihiya awe sootakhala siiraneyaka, ni etthu onrowa awe opaka muhoolo mmureerelo wa apinaatamu. Masi ahooleli a itiini annihonona sowiixuttiha sa Biibiliya; nto anamunceene ehinasuwela saana ele Biibiliya enihimya awe.​—Miteko 20:29, 30.

Yehova Muluku oniphavela wira nisuwele ekeekhai voohimya sa yena. Mwaha waivaavo, owo oonivaha eliivuru ennikhaliherya omusuwela saana.​—Mmusome 1 Timótheyo 2:3, 4.

Munrowa owerya sai omwiiwexexa saana Biibiliya?

Nuumala onivaha Biibiliya, Yehova ookumiherya etthu ennikhaliherya omwiiwexexe Biibiliya. Owo aahimuruma Yesu valaponi wira aniixuttihe. (Luka 4:16-21) Yesu ahaakhaliherya ale yanwiriyana wira yiiwexexe saana Soolempwa, okathi aaromola awe iversu sinci.​—Mmusome Luka 24:27, 32, 45.

Yesu aahipaka muloko wa eKristau wira ovikaniheke ovara muteko owo aapacerinhe awe. (Matheyo 28:19, 20) Olelo-va, atthareli ekeekhai a Yesu annaakhaliherya atthu wira emwiiwexexe saana Biibiliya ewiixuttiha itthu sa Muluku. Akhala wira nyuwo munniphavela omusuwela ni omwiiwexexa saana Biibiliya, Anamoona a Yehova anoohakalala wookhaliheryani.​—Musome Miteko 8:30, 31.

Wira musuwele itthu sikina, nwehe ekapiitulu 2 ya eliivuru ela, Biibiliya Oniixuttiha Exeeni Tthiri?, epakiwe ni Anamoona a Yehova

[Elatarato epaaxina 16]