Nihimyeke Exeeni Naakawaka Irevista

Sentinela 1 ya Janero

Musome Maphattuwelo 2:16, 17. Nto muhimye so: “Atthu akina anihimya wira Muluku aanisuwela wira Adamu yaamuttheka. Masi, akina anoona wira vaakhanleke wira Muluku aahisuwela ele yaarowa waakhumelela, olopola wawe waarowa okhala weethiru. Ankhi nyuwo? [Nwehereryeke waakhuliwa.] Mwaha ola onipacerya epaaxina 13, onnitthokiherya moota Muluku sinirumeela awe owerya wawe osuwela itthu sa muhoolo”.

Despertai! a Janero

“Atthu akina anuupuwela wira atthu annaamini sowiixuttiha sa etiini aya mwaha wa okuxeya murima, ohiya mwaha wa osuwela ekeekhai. Ankhi nyuwo? [Nwehereryeke waakhuliwa.] Moovarihana ni Biibiliya, waamini khonitaphulela otthara etthu ehinisuwela awe saana. [Mmusome 1 Yohani 4:1.] Mwaha onipacerya epaaxina 28, onnooniherya moota woosuwela akhala wira waamini wahu onitthara etthu yekeekhai”.

Sentinela 1 ya Feverero

“Olelo-va omwalana etthu yuulaanale. Nyuwo munnisuwela nthowa naya? [Nwehereryeke waakhuliwa.] Nkawehani ele yaakhalihenrye anamathelana anceene. [Mmusome 1 aKorinto 10:24.] Erevista ela ennithokorerya iponto 6 sinimakela waaxankiha anamathelana, ni ennooniherya mireerelo sinikhumelela mwaha woweettela malakiheryo a Biibiliya”.

Despertai! a Feverero

“Olelo-va atthu annitepa osiveliwa iprokrama sa vampiru ni sa okhwiri. Nyuwo munuupuwela wira osiveliwa itthu iyo khonikumiherya maxakha? [Nwehereryeke waakhuliwa.] Nkawehani yoolopola ela ya Muluku wa aIsarayeli a khalai. [Mmusome Otumererya 18:10-12.] Erevista ela ennooniherya ele Biibiliya enihimya awe sa miteko sa okhwiri”.