Nihimyeke Exeeni Naakawaka Irevista

Sentinela 1 ya Feverero

“Nyuwo munoona wira vanniweryaneya osuwela moota Muluku sirya awe? [Nwehereryeke waakhuliwa.] Erevista ela, yookhalana mwaha onivarihana ni nikoho nna”. Musome ni muthokorerye mwaha ori epaaxina 16, nikoho 2 ni musome yoolepa emosa mwa iye siheliwe-vo. Munvahe irevista iyo, ni nvarihane nihiku noomuxukurya wira muthokorerye nikoho 3.

Despertai! a Feverero

“Okhala wira Biibiliya olempwale khalai, akina anoona wira khonivarihana ni siensia. Ankhi nyuwo? [Nwehereryeke waakhuliwa.] Anamunceene annitikhina moolumo ala a Biibiliya. [Mmusome Yesaya 40:22.] Mwaha onipacerya epaaxina 22 onnaakhula nikoho nna: Biibiliya onnivarihana ni siensia?”

Sentinela 1 ya Marso

“Anamoona a Yehova annisuweliwa mwaha wa olaleerya waya. Nyuwo mootoko wiikoha etthu enniiriha olaleerya? [Nwehereryeke waakhuliwa.] Nwehe masu ala. [Mmusome Matheyo 24:14.] Erevista ela ennaakhula makoho ala: Exeeni ekhanle ihapari sooreera? Omwene wa Muluku exeeni? Nto wanikisa xeeni onirwa?”

Despertai! a Marso

“Okhala wira anceene annihaawa ni iretta suulupale, nimphavela owooniheryani masu ala oolipiha. [Mmusome Yesaya 33:24.] Munoona wira okumi onirowa okhala sai, yiiraneya eprofesia ela? [Nwehereryeke waakhuliwa.] Ohinatthi Muluku opaka mirukunuxo iya, sookhala itthu sinireerela ahu opaka mmureerelo wa ekumi ahu. Erevista ela ennitthokiherya itthu sene”.