Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Feverero

“Atthu aakhalana moonelo woovirikana voohimya sa Biibiliya. Akina anikupali wira Biibiliya ti Nuulumo na Muluku. Masi akina anihimya wira owo onoolikanasa ni iliivuru sikina. Nyuwo munimoonela sai Biibiliya?” Nwehererye waakhuliwa. Mmooniherye epaaxina yookiserya ya Owehaweha 1 ya Feverero, ni muthokorerye hoothe mwaha ori vathi va nikoho noopacerya ni muthanle yoolepa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 ya Feverero

“Anamunceene anniphavela wira ikhotto saamanle. Munoonela sai, murettele onooweryaneya molumwenkuni? [Nwehererye waakhuliwa.] Moone ele Biibiliya onileiherya awe. [Musome Esalimo 46:10.] Tthiri, itthu siiraneyale okathi wa Ekhotto Yoopacerya ya Olumwenku Wotheene ni muhoolo mwaya, sinninlipiherya wira moohipisa-va Muluku onoomaliha ikhotto molumwenkuni. Erevista ela ennihimya mwaha owo”.

Despertai! a Feverero

“Olelo-va ninlavula sa muxankiho onaaphwanya atthu anceene, eyo piiyo, ohikhalana okathi. Niireke mwaha wowaatteliwa miteko wala ninviriha okathi ahu munceene nivaraka itthu soohitthuneya? [Nwehererye waakhuliwa.] Atthu anci khanisuwela wira Biibiliya onoowerya onikhaliherya orumeela saana okathi ahu. Nkahaya nwehe yoolepa ela. [Mmusome aFilipi 1:10a.] Erevista ela enniromola itthu 4 saakhalihenrye anamunceene orumeela saana okathi aya”.