Olaleerya Wookhweya

Wira Nipacerihe Soosoma sa Biibiliya eSaabadu yoopacerya ya Feverero

“Niireke wira mahiku ala Muluku ookhalana mutthenkeso awe, wala niireke Muluku onilavula ni khuta mutthu ekhawe? [Nwehereryeke waakhuliwa.] Nkawehani ele enihimmwa va sa atthu yaawo khalai Muluku yaapanke awe okhala mutthenkeso awe. Nto muhule epaaxina 16 ya A Sentinela 1 de Feverero, ni muthokorerye hoothe muru mukhaani woopacerya, nto vaaweryaneya musome yoolepa emosa eromoliwe. Munvahe erevista ni mwiiwanane nihiku nootthikela othokorerya nikoho ninttharelana”.

Sentinela 1 ya Feverero

“Iyaakha iya sa vano, moolumo oowi Harmagedoni aapakeya okhala mwaha onilavuliwa ni atthu anceene. Niireke wira yookhala etthu apinaatamu eniwerya aya opaka wira Harmagedoni ohirwe? [Nwehereryeke waakhuliwa.] Nuulumo noowi Harmagedoni nikhumme va: [Mmusome Wisupulula 16:16. Nuumala mmooniherye ekaapa ya erevista.] Erevista ela ennaakhula makoho voohimya sa Harmagedoni”.

Despertai! a Feverero

Mahiku ala atthu anceene anniwerya orumeela Internet wira alavuleke ni atthu akina. Niireke wira olavulihana mmoota owo khorina etthu yootakhala? [Nwehereryeke waakhuliwa.] Biibiliya onnivaha miruku sinnikhaliherya wiiriha ovaanela wahu mwInternet okhala wooloka. [Mmooniherye epaaxina 6-9, nto muthokorerye nikoho nimosa na yoolepa eromoliwe.] Nuumala vo muhimye so: Erevista ela enrowa wookhaliherya ni osuwela itthu sowoopiha sinireerela ahu osyaka voohimya sa ovaanela ni atthu nirumeelaka Internet”.