Olaleerya Wookhweya

Wira Nipacerye Soosoma sa Biibiliya eSaabadu Yoopacerya ya Setembro

“Atthu a maloko manceene wala anikupali itthu soovirikana, annilompa khula nihiku. Niireke wira Muluku onniwiriyana ni waakhula mavekelo otheene?” Nwehereryeke waakhuliwa. Munvahe mwaneene etthoko erevista A Sentinela 1 ya Setembro, ni muthokorerye masu ari vathi va muru mwaamukhaani woopacerya epaaxina 16 ni musome yoolepa eromoliwe vaavo. Munvahe irevista, ni mumpake palano wira mwamuxukurye mutthu owo ni waakhula nikoho ninttharelana.

Sentinela 1 ya Setembro

Mmooniherye ekaapa ya erevista, nto muhimye so: “Mwaarowa waakhula sai nikoho nna? [Nwehereryeke waakhuliwa.] Nkahaya nwehe Biibiliya onihimya awe. [Mmusome 1 Yohani 5:19.] Moovarihana ni eversiikulu ela, “mutakhali”, eyo piiyo, Satana, tonilamulela olumwenku. Nto annikhumelela makoho ala: Satana okhumme woowi? Owo ookhala tthiri? Silini Satana onirowa awe ohiihiwa olamulela? Erevista ela ennihimya moota Biibiliya onaakhula awe mwaha owo”.

Despertai! a Setembro

Anamunceene olelo-va sinnaaphwanya mixankiho mwaha wa othowa musurukhu. Munoonela sai, xeeni vanixankiha aya ophwanya yoolya? [Nwehereryeke waakhuliwa.] Biibiliya onnivaha miruku seiyo saakhalihenrye atthu anceene orumeela saana musurukhu aya. [Muthanle ni musome yoolepa emosa siri ipax. 8-9.] Erevista ela ennivaha malakiheryo moota woorumeela saana musurukhu”.