Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Julyo

“Mahiku ala, onnincerereya ophavela osuwela voohimya sa malaikha. Nyuwo munoonela sai, niireke malaikha aakhala tthiri? [Nwehererye waakhuliwa.] Nwehe enihimmwa-mu”. Munvahe mwaneene etthoko A Sentinela 1 ya Junyo, ni muthokorerye masu ari vathi va muru mukhaani woopacerya epax. 16, nto muthanle yoolepa emosa wira musome. Munvahe irevista, ni mumpake palano wira mwaakhule nikoho ninttharelana.

Sentinela 1 ya Julho

Musome Esalimo 65:3. Nto muhimye so: “Anamunceene annikupali wira Muluku ‘onniwiwa ale aninvekela’, tivonto annivekela khula nihiku. Masi akina annikoha wira: ‘Akhala wira Muluku ohaavo, nto xeeni onaahiya awe atthu ahaawaka? Nyuwo munoonela sai? Ohaavo Muluku oniiwa mavekelo ahu? [Nwehererye waakhuliwa.] Erevista ela ennooniherya moota Biibiliya onaakhula awe nikoho nni: ‘Xeeni Muluku Oniiwa Mavekelo Onaahiya Awe Atthu Ehaawaka?’”

Despertai! a Julho

“Mwaarowa opaka exeeni, vaakhanle wira munniwerya orukunuxa itthu mulaponi, pooti okhala etthu emosa? [Nwehererye waakhuliwa.] Biibiliya onnihimya nthowa naya apinaatamu ahiniwerya aya opaka itthu moomalela. [Mmusome Yeremiya 10:23.] Erevista ela ennihimya ele Muluku olakenle awe opaka mulaponi.