Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Julyo

“Nnaaxukurya atthu a muttetthe ola nilavulaka sa ovekela. Munoonela sai, niireke Muluku onnivaha efaita mavekelo ahu?” Nwehererye waakhuliwa. Mmooniherye epaaxina yookiserya ya Owehaweha 1 ya Julyo, ni muthokorerye hoothe mwaha ori vathi va nikoho noopacerya ni muthanle yoolepa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 a Julyo

“Okhala wira Muluku toowerya sotheene, niireke owo tonikumiherya itthu sootakhala siniireya molumwenkuni? [Nwehererye waakhuliwa. Nto mmusome Yakobo 1:13] Erevista ela ennitthokiherya nthowa naya sinikhumela aya itthu sootakhala ni ele Muluku onrowa awe opaka wira omalihe ohaawa wotheene”.

Despertai! a Julyo

“Woonasa wene, otheene ahu ninnilipelela ophwanyiwa ni ehasara, ntoko ehasara ya ephattu, eretta yuulupale, wala okhweliwa ole namphenta ahu. Munoonela sai, niireke ti vootthuneya okhalana moonelo wooloka okathi owo? [Nwehererye waakhuliwa.] Biibiliya onnaakhaliherya anamunceene ovilela ihasara iyo. [Mmusome aRoma 15:4.] Erevista ela ennitthokiherya moota Biibiliya okhanle awe oonikhaliherya okathi sinniphwanya aya ihasara”.