Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Julyo

“Anamunceene annisuwela nivekelo na Tiithi ihu muri wiirimu, nenno nni: ‘Omwene anyu onrwele hiyo; otthuna wanyu wireye ntoko wirimu siso vathí-va’. Munnisuwela Omwene owo exeeni? [Nwehereryeke waakhuliwa.] Eversiikulu ela, ennitthokiherya mwaha owo”. Mmusome Daniyeli 2:44. Nto munvahe mwaneene etthoko erevista A Sentinela, 1 ya Julyo; musome ni muthokorerye hoothe masu ari vathi va muru mwaamukhaani woopacerya epaaxina 16. Munvahe irevista iyo, ni mpake mareheryo wira murwe muthokorerye waakhuliwa wa nikoho ninttharelana.

Sentinela 1 ya Julyo

“Okhala wira okumi ahu khonipisa, ni woosareya mixankiho, atthu anceene anniikoha voohimya sa yoolakela ya okumi. Mootoko wuupuwela mwaha owo? [Nwehereryeke waakhuliwa.] Biibiliya onihimya wira onoophiya okathi okumi onrowa aya okhala wooloka. [Mmusome Wisupulula 21:4.] Erevista ela ennihimya ele Muluku onrowa awe opaka valaponi, ni itthu sikhanle ahu oovara wira okumi ahu okhale woohakalaliha hata niinano-va”.

Despertai! a Julyo

Muhimye ehasara ekhumelenle niinano, ni mukohe so: “Munoonela sai, xeeni Muluku onihiya awe itthu iya siiraneyaka?” [Nwehereryeke waakhuliwa.] Biibiliya onihimya wira Muluku onniwoonela othunku atthu anihaawa. [Musome Okhuma 3:7.] Nave-tho, Biibiliya onninleela nthowa naya Muluku onaahiya awe atthu ahaawaka, ni wira moohipisa onoomaliha ohaawa wotheene. Erevista ela ennitthokiherya itthu iyo”.