Olaleerya Wookhweya
Wira Nipacerihe Soosoma sa Biibiliya eSaabadu Yoopacerya, Julyo
“Woonasa wene atthu otheene mmuttettheni mwahu anniphavela okhalana okumi woohakalala ni woohimala. Nto nimphavela wookohani etthu emosa: Munoona sai, niireke siensia ni orowa vahoolo wa mirette sa oxipitaali, onooniiriha wira nikhalane okumi woohimala? [Nwehererye waakhuliwa.] Nwehe ela enihimmwa va”. Mmooniherye epaaxina yookiserya ya Owehaweha 1 a Julyo, ni muthokorerye hoothe mwaha ori vathi va nikoho noopacerya ni musome yoolepa emosa. Munvahe irevista, ni mwiiwanane nihiku nootthikela wira mwaakhule nikoho ninttharelana.
Nwehe ela: Yowooniherya ela ehaana opakiwa okathi wa muthukumano wa muteko woolaleerya 6 a Julyo.
OWEHAWEHA 1 a Julyo
“Anamunceene anilavulana ahu anihimya wira ahaana etiini aya. Masi akina anihimya wira khaniroromla-tho etiini eri yotheene. Nyuwo munoonela sai etiini? [Nwehererye waakhuliwa.] Yesu aahihimya etthu ennikhaliherya moota wootokosa etiini yekeekhai. [Mmusome Luka 6:44a.] Erevista ela ennithokorerya mihokorokho sikina soohiloka seiyo etiini enikumiherya aya. Nave-tho ennaakhula nikoho nni: Niireke Ehaavo Etiini Enireerela Ororomela?”
Despertai! a Julyo
“Hiyo nnaaxukurya atthu a muttetthe ola nilavulaka sa ohixariya onixankiha vanceene. Atthu akina annimananiha omaliha muxankiho ola apakaka iprotesto. Munoona sai, niireke atthu awo annikhumela saana voohimya sa itthu aniphavela aya? [Nwehererye waakhuliwa.] Nwehe ele Biibiliya onihimya awe sa etthu enirowa oruuha marukunuxo a ekeekhai elapo ya vathi. [Mmusome Matheyo 6:9, 10.] Erevista ela ennaakhula nikoho nni: Niireke iprotesto sinnikumiherya mireerelo”?
Ihapari Sooreera Sinikhuma wa Muluku!
“Hiyo ninxukurya imusi sa muttetthe ola nivaanelaka voohimya sa nuulumo ninkhuma mBiibiliyani. Anamunceene nilavulanne ahu anniikoha nthowa naya Muluku oophenta oneemererya awe ohaawa wuulupale mulaponi. Niireke nyuwo munoona wira ohaawa waari yootthuna yoopacerya ya Muluku wa elapo ela ya vathi”? Nwehererye waakhuliwa. Nto muhule yoosoma 5 ni muthokorerye ittima piili soopacerya ni yoolepa eri yookhoropana wala itaaliku. Munvahe ebroxura, ni mwiiwanane nihiku nootthikela wira mwathokorerye nikoho ninttharelana nirina ileetera sooriipihiwa wala negrito.